好多藝人都會將自己嘅私生活收埋，感情生活更加唔會隨意揭露畀大眾知道，就算已經秘密結婚產子，非到必要時都唔會公開。喺日本AV界亦一樣，女優一般都好少會將自己嘅感情事告知AV迷，就好似紅極一時嘅終極癡女櫻井由咁，引退之後至話畀大家知佢有一個5歲大嘅囡囡。不過，亦有女優會將自己嘅感情狀況一早話畀大家知，肥美好波嘅SOD三大台柱之一白石茉莉奈就係其中之一喇！
茉莉奈初出道嘅時候已公開自己係已婚人妻，同老公育有一個囝囝。雖然係咁，茉莉奈嘅演出相當出色，故即使公開婚姻狀況，依然不減大家對佢嘅支持。之不過，茉莉奈人氣咁高，又經常出席公開活動以及當上AV雜誌封面女郎，仲係AV女優團體組合SEXY-J嘅成員，不時登台演出，到底茉莉奈嘅老公有冇發現佢係AV女優呢？而事務所回答過唔少類似問題，答案通常都係「老公正在國外工作」。然而，最近喺茉莉奈嘅新作《寂しさ募って》當中就透露出一點端倪，因為作品初段嘅字幕寫住「茉莉奈已經結束咗8年嘅婚姻關係！」咁係咪即係畀老公發現咗佢拍AV，因而離婚，抑或只係劇情需要而編造出嚟呢？對此，茉莉奈冇正式回應過，所以其婚姻狀況到今時今日都係一個謎！
撰文：賢