稱唔上星光熠熠，但有好過冇嘅Fetish Awards又嚟喇！經過舊年旺丁唔旺財嘅頒獎禮後，踏入第二屆照細佬目測，官網的確多咗唔少贊助商畀面，所以不妨同大家交代下今屆Fetish Awards有乜值得留意！官網表示，嚟緊8月13日喺美國佛羅里達州舉行，當地時間晚上8點開始行紅地氈，10點正式開騷頒發16個獎項，當中最多人留意係Best Female Fetish Performer，舊年嘅得主係29歲素人Lelu Love。講真，細佬唔識欣賞佢，不過據講佢得獎原因係夠真，堅持以真面目、真架生，真反應嚟取悅大眾。之但係，巴打若然當色情係娛樂一種，都係睇番個樣假到爆嘅脫星會開心啲囉！話雖如此，早前Fetish Awards陸續公布候選名單，發現Lelu Love又再入圍候選Best Female Fetish Performer獎項，真心唔明究竟係冇人好選，還是全球Fetish友都撐佢呢？如果你都想參與，冇問題呀，由即日起至下個月中可以上官網投票，阻止Lelu Love冧莊啦！點解細佬咁黑心？大佬呀，全球咁多戀物癖，Fetish Awards都算係當中最具指標性活動，令Fetish友更團結壯大，只係第二屆就冧莊，叫班粉絲點服呀？