女仔唔鍾意男仔手多多，亦唔鍾意男仔身上體毛太濃密，相反男仔唔單止鍾意女仔對佢哋毛手毛腳，上下其手仲好添，但係亦一樣唔鍾意女仔身上太多毛髮，最好當然係光滑整潔啦！至於光滑同毛茸茸可否並存呢？答案係可以嘅，而兩者夾埋更加可以迸發出相當誘惑嘅視覺效果添！唔信咩？大家不妨欣賞一下，呢位最鍾意拍攝美腿嘅知名攝影師青山裕企最新攝影集《ネコとフトモモ》啦！呢本攝影集以柔軟與幸福為主題，大家除咗可以見到一雙又一雙雪白光滑又誘人嘅玉腿，仲可以見到一隻又一隻毛茸茸又逗人歡喜嘅可愛貓貓！大家都知道貓貓一向調皮又識得賣萌，出現於攝影集嘅貓貓就有齊呢兩種特質，佢哋會喺模特兒嘅玉腿以及「絕對領域」之間穿梭，又或者伏喺玉腿上面，亦有貓貓輕舔滑溜玉腿，觀者如果投入到貓貓嘅角色當中，自能體會到當中嘅幸福心情，當然心邪者更加可能有另一番體會以及幸福感受啦！