好多女星忽然富貴，被傳媒拍到佢哋買豪宅，好多人都會猜測佢哋係因為釣到金龜，甚至係被人包養！老實講，佢哋又冇做錯嘅，邊個唔想埋街食井水，搵到張長期飯票唔使做吖！所謂笑貧不笑娼嘛！而日本AV界天后明日花綺羅大可以唔使再拍AV，並唔係因為有長期飯票，而係因為買馬票。早前，綺羅姐喺社交網公開自己喺一次競馬賽事贏咗573萬日圓，即係約40萬港元彩金呀！再對上一次綺羅亦試過贏得350萬日圓，認真眼光獨到！綺羅一直以來都係AV界中嘅女賭神，據悉其博彩技巧同分析相當神準，亦因為咁好多粉絲都喺綺羅嘅社交網留言，要求佢開番個博彩技巧班，將箇中心得同大家分享一下！綺羅一次又一次咁從博彩中大有斬獲，亦解釋佢點解能夠一身名牌，有次甚至被人發現佢全身上下嘅打扮價值成千萬日圓呀！不過，從綺羅公開嘅中獎彩票睇到，佢嘅投注金額有成30萬日圓，即係2萬港元咁多，睇嚟綺羅都買得幾大喎！大家千祈唔好有樣學樣呀！話晒沉迷賭博猶如倒錢落海呀！