每個人嘅夢想總係離不開不勞而獲，即係唔使做就有大把錢使，但係現實中又邊有可能發生吖！如果想發吓夢做富豪，又可以過住後宮眾多嘅情慾生活，呢隻由日本人氣十八禁遊戲開發商Hikuo-Soft最新推出嘅作品《面影Laid Back》，相信可以滿足到男士嘅幻想。故事講述美貌與巨乳兼備嘅年輕女企業家吉岡樹理，自細從父親繼承擁有社員12,000人、分店多達260間雄霸日本建設界嘅大型建設企業「吉岡建設」。正當佢將企業發展成全球知名嘅國際巨頭時，突然做咗一個前所未有嘅決定，就係將企業交畀一個同吉岡家毫無關係嘅後生仔，佢就係樹理嘅青梅竹馬正志。無端端成為「吉岡建設」最高話事人嘅正志，後來改名做吉岡正志，佢唔明點解樹理會將成個企業畀晒佢，原來係因為樹理暗戀咗佢好耐。為咗可以門當戶對，順理成章拉埋天窗，正志就咁做咗超級富豪。不過對於係咪富豪，同埋改唔改名一啲都唔在意嘅正志，卻面對一個令佢冇得逃避嘅問題，就係作為吉岡家族嘅新一任當家，從此過着各種約束嘅日子，並且不斷叫自己要忍耐。原來正志有一個秘密，就係希望透過入主吉岡家搵出恩人，亦即樹理嘅親生母親。面對種種嘅困難，究竟一切又會否如正志所願，而佢同樹理之間嘅關係又係咪會發展得咁順利呢？