Paul Raymond對色情界嘅貢獻一版都講唔完，呢位英國猛人係第一個喺當地開脫衣舞夜總會，之後更染指印刷，成為首屈一指嘅鹹書大亨，推出多本男士雜誌，可惜Paul哥喺2008年已仙遊，但公司繼續發行雜誌，更係幾年前成立Paul Raymond Awards，志在表揚一眾業界脫星及裸模，尤其係英國妹咁囉！由於係小圈子選舉，加上活動太低調，呢個獎喺四仔迷心目中可有可無，但搞開就繼續搞。雖然呢個頒獎禮喺11月底先舉行，最近官網已公布候選名單，除咗大獎「Paul Raymond Girl of the Year」最多人關注，其次就一定係「MILF of the Year」，須知道歐美四仔迷幾Like熟女，而現今美國四仔界亦勁多英國熟女搵食，所以當地人（目及）到實，其他地區花生友緊張都好正常。坦白講，頒獎唔係問題，問題係「MILF of the Year」年年候選人都有Tanya Tate份，唔知主辦單位有冇覺得悶呢？咁人哋係紅吖嘛，呢層當然啦，但連續三年都入圍，雖然話上年輸咗畀好姊妹Rebecca More啫，都唔使今個月就開始為自己造勢，喺網上瘋狂拉票啩！查實以Tanya Tate嘅身份地位，好心就讓位畀啲後生女，即時宣布唔再攞獎啦！