臨床教執劑

不少成人網都有「乾淨版」嘅所謂姊妹網,目的係要用家慣性留意色情新聞,茶餘飯後都要Keep住睇,咁話明係乾淨版,當然係冇嘢睇啦,但意淫度不比鹹網低,仲會搵大量知名脫星拍片添!姊妹網樂而不淫係過癮,之但係脫星坐定定晒波罅齋Talk,睇得多始終會悶,於是近期有鹹網以性教育為名搵脫星拍片。早前Pornhub搞性教育網站「Pornhub Sexual Wellness Center」,介紹男女身體構造、各種性疾病嘅徵狀及治療方法,不過就畀外界話偽善。Pornhub早知大家又要睇又要鬧,但絕對無所謂,最重要係大家繼續睇咪得囉!而呢招的確奏效,更引嚟其他網站倣效,好似四仔大廠Brazzers乾淨版網站「TRENDZZ」咁,近期搵男女脫星教執劑,先旨聲明,人哋係以正確性教育為名冇露點冇意淫,坊間短片網都唔敢Block佢o架!最新一集就搵咗資深脫星Cherie DeVille及男優Charles Dera臨床講解男女體位,以及過程中注意事項,最重要係嗰班學員全部都係上年紀嘅夫婦,全部着晒衫褲學花式,唔色情仲好好笑添!

撰文:祖