以前日本成人漫畫界以男漫畫家為主，但係隨住時間嘅發展，有愈嚟愈多女性入行，而佢哋最特別嘅地方，除咗繪畫嘅線條唔同，喺講故事嘅技巧上亦有極大分別，好似URAN就係其中一位人氣女漫畫家，其代表作《TiTi-pedia》，大家絕對唔可以錯過。
喺日本福岡縣出生，現居於東京嘅URAN，早喺2001年繪畫漫畫，當時佢以繪畫熱血類型嘅一般向漫畫為主。不過鍾情繪畫巨乳美少女嘅佢，憑住迷人女角色而被人所稱讚，及後佢便開始創作成人漫畫，並喺成人漫畫同人圈中發表作品，當中最大特色，除咗糅合女性漫畫家擅長嘅陰柔線條外，更精於表現女性嘅情慾心理，仲有係題材相當重口味，如集體亂鬥、凌辱等。2006年佢獲得喺成人漫畫月刊《Comic Pengin Club 山賊版》上發表作品嘅機會，而呢次登場，不但令佢嘅知名度提升，更正式宣告踏上職業成人漫畫家嘅生涯。之後，佢又喺《Comic Megastore H》上刊載作品，至今佢以呢兩本月刊作為發表作品嘅基地。
2008年8月URAN終於推出首本成人漫畫單行本《誘惑是茜草紅色》，不過講到佢嘅代表作，非《TiTi-pedia》莫屬，備受各方好評。
《TiTi-pedia》收錄咗好多URAN嘅精彩作品，包括《慾兔療法》、短篇連載作品《給鶴報恩》第1至第4集、《試食女王》、《激情模特兒》、《好色藝人的演藝之路》同《想歇口氣》等合共5個故事。除咗畫工高超，同埋重口味嘅劇情外，女角色對巨乳令人有栩栩如生嘅感覺，加上濕漉漉嘅情慾場面，不但睇到一眾成漫迷好興奮，就連一眾成人漫畫家，如鰻丸、岡田幸、紺野天青等都讚不絕口，尤其係《激情模特兒》同《好色藝人的演藝之路》呢兩個故事，更被稱為體現出成人漫畫魅力之作。
《激情模特兒》中嘅女主角菅原沙耶，不但擁有可愛嘅外形，火辣身材更係迷人，而佢為咗克服內向及怕醜性格，決定去做模特兒。面對首個工作時，客戶公司嘅董事長問沙耶有冇興趣做兼職，就係喺一個聯誼活動上表演。沙耶以為純粹表演一下跳舞，卻估唔到原來係個淫樂派對，眼見一眾雄赳赳嘅壯男，起初沙耶覺得相當尷尬，但係經過一輪自娛後，無比嘅慾望從心底裏爆發出來。
《好色藝人的演藝之路》講述女主角小島多香子係一間藝人事務所嘅經理人，旗下男子組合「奶油派二人組」嘅成員山田同淀橋每次演出都差強人意，佢哋解釋係因為怕見到女人，所以影響表現。為咗可以令佢哋克服怕女人嘅心理，多香子決定換上性感比堅尼，以誘人姿態為二人進行特訓，點知兩人遲遲都進入唔到狀態，淀橋坦言因為佢哋仍然係處男關係，所以一見到女人就會發呆，聽到佢哋咁講，多香子決定用自己嘅肉體，激發對方嘅雄風！
書名：《TiTi-pedia》
作者：URAN
出版：Core Magazine
頁數：166頁
撰文：魂