如果要問美國最著名嘅成人小說作家係邊位嘅話，琳達‧霍華（Linda Howard）絕對榜上有名，喺1993年7月推出嘅情慾小說《心火》（Heart of Fire），更係佢嘅代表作。英文情慾小說寫得幾精彩，始終都冇中文睇得咁有投入感，唔緊要，最近推出咗最新中文版，相信可以令大家睇得更過癮。至於琳達名頭有幾響？透過浪漫文字加上情慾碰撞，佢嘅著作經常登上多間大型連鎖書店暢銷排行榜、多本作品入選AAR讀者評鑑之百大羅曼史及獲雜誌頒發終身成就獎，足見佢嘅實力幾勁。
《心火》嘅故事發生喺亞馬遜森林，傳說喺亞馬遜流域綠海之下，有座古老嘅女戰士石頭城，石頭城女王嘅心喺佢死後變成紅色鑽石「女王之心」，其後被放喺佢至愛嘅戰士墳墓上，稱呢顆心永世屬於對方。女主角吉莉安自細聽着父親述說呢個神話，並深深為之着迷。後來父親因一次探索石頭城遺迹而喪生，吉莉安決心完成父親遺願，及後佢發現同父異母哥哥嘅陰謀，同佢爭奪「女王之心」，喺千辛萬苦尋找嘅過程中，佢被哥哥及其手下追殺，同時佢又與男助手發展出一段火辣無比嘅情慾關係，究竟「女王之心」最後會落喺邊個人嘅手中呢？
書名：《心火》（Heart of Fire）
售價：約HK$100
撰文：魂