有報道指全球知名女士內衣品牌「乜乜秘密」，單係2015年全球銷售額達到76.7億美元（約500億港元)，賣胸圍底褲都賺到天文數字，難怪全球最Top嘅Model都畀佢哋收歸旗下啦！但今日唔係講佢有幾威水，純粹係從數字睇到女人對着喺入面嘅底衫褲都可以咁瘋狂，再加埋男士你話邊有得輸吖！男人當然唔係着上身，不過望吓都好興奮，如果可以影番幾張寫真留念，真係多多錢都肯畀呀！如果你都有呢鋪癮，咁就要睇《Colored Silk: Photo Essay》呢本電子版寫真，推介並非因為佢啲胸圍底褲夠Sexy，而係欣賞寫真同時學習攝影角度，即係攞位呀，雖然寫真冇教你拍攝技術，但睇吓人哋影胸圍，唔一定要成個胸影晒，畀個側身波你睇，加埋啲道具，若隱若現，好誘惑囉！又例如影T-back，唔一定要Zoom到盡先夠Sexy嘅，試吓不同角度拍攝，話唔定有意外驚喜添！仲有呀，呢本寫真更同大家分享內衣質料潮流趨勢，巴打不妨花時間了解一下，下次陪女伴去揀Bra，扮吓專家仲唔冧死女！