小弟過去嘅大半世人，花咗好多時間去睇AV，愈嚟愈愛上為我哋AV迷落力獻技嘅女優，而呢種愛唔單止係純粹欣賞，更加令我覺得就算娶佢哋做老婆亦無所謂，覺得AV女優一雙玉臂千人枕，半點朱唇萬客嘗好污糟？我就覺得起碼佢哋有血有肉，對工作同自己嘅存在價值態度夠認真，比起好多藝人更值得欣賞，精神更為崇高囉！講到要娶女優做老婆，又真係一個幾難達成嘅目標，一來小弟唔識日文，二來又唔係腰纏萬貫，更重要嘅係唔知自己同女優夾唔夾得嚟？其他女優我都未有機會嘗試，但係大家可以同小弟一樣試吓同KMP當家花旦佐倉絆夾唔夾。最近，AV廠KMP推出一個網上小遊戲，叫做《與佐倉絆之相性診斷》，呢個遊戲會有好多問題需要大家作出選擇，例如「是否鍾意睇漫畫」、「是否鍾意一日三餐」等等，通過各種問題之後，就會分析出大家同佐倉絆到底有幾合拍，然後仲可以睇到佐倉絆演出嘅片段，如果合拍度高，佐倉絆會表現得甜絲絲，低的話就會畀絆妹鬧餐飽，相當過癮，大家快啲上網測試一下同絆妹夾唔夾啦！