男人太斯文有時會被女仔認為係裙腳仔、娘娘腔，喺床上更加唔能夠配合到女仔嘅需要。使用安全套可以保障男女雙方嘅健康，不過有學者指出近年好多男人都鍾意中途「脫套」。每個人飲醉酒之後嘅反應都唔同，有調查話唔少男人會打電話畀女仔，到底佢哋係咪因為醉咗之後性慾高漲，打電話畀對方「約戰」呢？
小弟雖然唔係話出身書香世代，亦唔係飽讀詩書，但係父母自細就教導我做人要有禮貌，佢哋呢一代做唔到斯文人，都希望下一代做得到。父母嘅教導做仔嘅我梗係銘記於心啦！之不過，就係因為行為太斯文，有次畀人叫我做「乸型」，之後佢就梗係見識到我強而有力嘅一面啦！其實，女仔唔喜歡男仔過分斯文，喺床上亦係一樣。早前一個叫做「OkCupid」嘅約會網站就訪問咗40萬名男女，發現有75%受訪男士喜歡狂野嘅床上行為，至於女性方面則有62%鍾意男伴同佢哋玩得粗野少少。咁邊啲狂野行為能夠取悅到女仔呢？大部分受訪女性表示鍾意畀男方輕扯秀髮，其次係被綑綁、喺床上講色情話題以及喺前戲當中感受到少少痛楚。雖然話有咁多女士鍾意男伴喺床上表現狂野，但係男士們千祈唔好忘記尊重女性同憐香惜玉，更加唔可以喺佢哋拒絕嘅情況下亂嚟呀！
師傅教落，做人要有始有終，萬萬不能半途而廢，否則永遠都唔會成功，佢就係咁不斷努力，生咗5個女之後終於畀佢追到個仔，家陣要延遲退休年齡，睇怕起碼要捱到80歲先等到個仔出身喇！然而，有毅力嘅人唔少，但係半途而廢者更多，喺床上半途而廢者數量亦漸漸上升，點解呢？最近有外國雜誌指出，近期有好多男人進行一種名為「Stealthing」嘅危險床上行為，呢種行為即係使用安全套同女伴激戰，但係中途趁女伴唔為意，脫下安全套然後繼續抽送。男人咁做會增加性病傳播嘅風險，亦當然會增加女方意外懷孕嘅機會，同時男人咁做好可能已經算係一種性暴力行為，有機會干犯刑事罪行，呼籲大家為人為己，唔好「半途而廢」。
有云患難見真情，而飲醉酒之後亦可以見到每個人嘅真性情，例如小弟有位同事平時正正經經亦少說話，但係兩杯落肚之後，除咗變咗做開籠雀之外，更加見女就溝，認真估佢唔到！至於小弟喺飲醉之後個人亦會大膽好多，曾經試過膽粗粗打電話向一個心儀已久嘅女仔表白，雖然換來一句：「我唔鍾意醉酒佬，你慳啲啦！」但係起碼叫做勇敢過！早前日本網站「Menjoy!」有一個調查，發現唔少男士喺飲酒之後，都好鍾意打電話畀女仔，不過唔係女友或老婆喎！至於點解佢哋會打電話畀對方呢？第三位嘅原因係對對方有好感，想聽吓對方把聲；第二位係想即晚約出嚟見個面咁簡單；至於第一位就係膽粗粗相約心儀嘅女仔發生一夜情，有受訪者表示所謂酒醉三分醒，畀對方知道自己飲醉而約佢哋去爆房，就算對方拒絕都可以賴自己一時飲醉而亂講說話喎！
撰文：賢