日本AV界創意無限，創製出新元素、新題材素來都有一手，連二次創作亦一樣玩得出神入化，大家見到呢啲作品嘅封面同碟名肯定會笑爆嘴，未睇內容已經好興奮！最近佢哋繼續發揮二次創作精神，惡搞一部人氣動畫電影，至於歷來嘅二創作品亦一樣吸引，今日就同大家嚟個溫故知新，齊齊笑到爽歪歪啦！
師傅教落做人最緊要開心，又教我「寧食開眉粥，不食愁眉飯」，仲教我溝女同睇AV一樣，都係以開心為本，如果同個女仔一齊過得唔開心，就無謂浪費時間喺一段苦戀當中受盡百般煎熬，早早斬纜方為上策！提到睇AV尋開心，不得不提一系列改編自電影、動漫作品嘅「倣效式」AV喇，呢啲作品簡直係將二次創作嘅精神發揮到極致，真係讚吓日本AV界一班製作人嘅大膽以及模仿功夫！最近有部「倣效式」AV玩到出神入化，就係由女優涼川絢音主演嘅《君の繩。》，一睇就知係惡搞動畫電影《君の名は。》（《你的名字。》），而最抵死係絢音扮到好似動畫中女主角宮水三葉咁款，甫士同衣着都抄到十足十，但係身上就被條紅繩綁住，極具視覺刺激之餘，更製造出爆笑效果！
就連AV達人東風克智見到絢音玩得咁盡，表示睇咗咁多年AV嘅佢都忍唔住捧腹大笑。克智哥亦話日本AV界呢種「倣效式」作品好多年前已經出現，例如喺1988年就有一部惡搞美國黑幫電影《義膽雄心》嘅AV，後來陸續有呢類AV作品推出。但係講到發展最蓬勃嘅階段，克智哥就話一定係二千年打後嘅日子，而當中最印象深刻嘅作品係由荻原沙也加同星野明兩位女優合力演出嘅《LOTION'S ELEVEN》，原作之唔係由佐治古尼同畢彼特主演嘅《OCEAN'S ELEVEN》（盜海豪情）囉，連封面都抄到足，故事講述兩位女優全身搽晒潤滑劑同11位男優大戰，精彩又過癮！提到畢彼特又點可以唔提佢前妻安祖蓮娜祖莉呢？佢主演嘅《TOMB RAIDER》（盜墓者羅拉），亦被AV界惡搞成《TOMB RAPER》，封面一樣係抄足，由廣岡未來扮到好似羅拉咁款，但係內容當然冇盜墓場面，只有激戰連場啦！
「倣效式」AV喺發展初期屬於小眾玩意，只有個別AV廠會拍，而且一部起兩部止，玩完之後又再搵新題材去惡搞一番。後來呢股惡搞風氣盛行，各大小AV廠都唔輸蝕，一於人拍我又拍，例如食住熱爆動漫《涼宮春日的憂鬱》個勢，出現多部「倣效式」AV作品，由女優扮成女主角涼宮春日同男優床戰三百回合，大受AV迷歡迎。之後被倣效得最厲害嘅就一定係人氣日劇，由松嶋菜菜子主演嘅《家政婦三田》（女管家三田）喇！AV天后吉澤明步、蒂亞同Kaori都扮過女主角三田燈。而原作嘅三田燈經常木口木面，唔係幾討好，至於AV版嘅女主角就畀男優猛攻到七情上面同大叫大嚷，完全滿足晒男觀眾嘅慾望，難怪銷情理想。另外，由堺雅人主演嘅日劇《半澤直樹》亦難逃被惡搞嘅命運，當中以熟女松本真里奈主演嘅《半澤直子》扮得最神似，值得珍藏。
撰文：賢