早前外國有個調查報告發現，相對於十零廿歲嘅後生仔，四五十歲嘅男人更加唔鍾意喺進行房事嘅時候使用安全套，可見年紀愈大，勇氣同膽量都會愈高。而喺日本寫真界亦一樣，女優嘅演出會隨着年紀漸長而愈益大膽，甚至變壞，以高露出度嘅演出嚟迷惑觀眾，葉月由美就係其中之一。
小弟曾經修讀過食物科學課程，知道好多味道都係油溶性，好似煮菜、煮肉咁，唔落少少油就硬係食落冇味，原因就正係食物嘅味道要靠油溶出。其實欣賞美女都係一樣，瘦到見晒骨的確唔係咁好睇，有少少肉地，甚至肥肥哋咁先至有睇頭，以日本寫真女郎為例，童顏巨乳掌門人篠崎愛、葉加瀨舞衣等等都係屬於呢種少肥豐滿型，再加埋一身雪白美肌就真係完美喇，而今日為大家介紹嘅葉月由美亦正係同佢哋類型相若。
25歲嘅由美人如其名，一臉溫柔而甜美嘅俏麗樣貌非常討好，圓碌碌嘅面形亦予人親切感。而由美嘅身材同樣咁圓潤，但只係少少肥而唔會太過油膩，肌膚仲好似雪咁白滑，令呢副胴體更為養眼！亦因為肌膚夠晒白淨，令由美心口嘅兩座大「雪山」更添火辣感覺！
葉月由美出道同觀眾見面嘅時候，並唔係寫真女郎，而係偶像小組成員，以青春活力以及天真甜美感染樂迷。後來由美年過18歲，身材日益豐滿又具曲線美，就轉型做寫真女郎發展。雖然由美參加2010年嘅Miss Magazine選舉成功打入半準決賽，但卻未能夠更進一步奪得任何獎項，係就係可惜咗少少，不過好多寫真女郎之所以能夠走紅都未必靠獎項支持嘅，由美攞唔到獎一樣發展如意，更加獲得電視台賞識，參演過嘅電視節目都唔少，包括《愛的菠蘿包》、《上帝之舌》等等，而電影作品亦有《papopipo》。
由美忙完一輪影視工作之後，近期亦開始將重心轉移番到拍攝寫真之上，據悉由美將會喺寫真演出上作出重大突破，唔會好似以前咁保守咁怕醜，一於由純情乖乖女，變成挑逗男人心嘅小妖精，喺寫真演出當中大玩透視誘惑以及誘人動作，令人好期待呀！
簡介：葉月由美最近密密拍寫真，每次完成寫真工作後都會將花絮照片放上Twitter同大家分享，Click入去睇一定唔會令雙眼失望呀！
網址：https://twitter.com/yume_hazuki?lang=ja
年齡：25歲
身高：5呎2吋
三圍：35H-25-35
撰文：賢