人嘅要求總係愈嚟愈高，就好似巨乳咁，以前稱做胸懷巨乳已經夠晒偉大，但係家陣已升級至豪乳、爆乳，甚至係究極巨乳先至夠分量。至於呢種究極巨乳可以喺邊度搵到呢？喺現實中相信唔容易，但喺日本成人漫畫家momi嘅代表作《戀乳童話》中，就可以搵到究極巨乳嘅真諦。
日本成人漫畫家momi被稱為成人漫畫界中嘅巨乳新霸，佢嘅出道經過同好多成漫家差唔多，早喺2000年熱愛漫畫嘅佢開始練習畫漫畫，為咗肯定自己嘅實力，先後參加多個漫畫比賽，並且喺網上發表作品。及至2010年佢夥拍當時仍未正式喺成人漫畫界出道嘅漫畫家pyon吉，合組成人漫畫同人團體「Current Storage」，同年推出首本成人漫畫同人誌《Cherialize》。
呢本作品推出時，成漫界都為佢成熟嘅畫功而感到詫異，事關作為一位漫畫界新人，其畫作穩定性相當高，而情慾場面更係處理得恰到好處，尤其係佢筆下美少女嘅一對巨乳，激凸同時富有質感。不過喺劇情鋪排上，卻顯得相當稚嫩同欠缺個人風格，隨住佢不斷努力繪畫，慢慢將問題改善，畫功愈嚟愈精緻，尤其係線條嘅運用上相當自如。
憑住出眾嘅畫功及口碑，2011年佢獲得喺成人漫畫月刊《COMIC POTPOURRI CLUB》發表首個單元故事《雨中意外事件！》嘅機會，正式喺成漫界登場，之後人氣愈嚟愈高，更喺《COMIC P Flirt》同《COMIC 快樂天 BEAST》刊載作品，而佢首本成漫單行本作品《戀乳童話》，更係其代表作。
《戀乳童話》絕對係上乘之作，書中收錄咗11篇單元故事，包括《加油蠻牛！》、《負×正》、《Pretty‧Break!!》、《通話‧放心‧Response》、《驚惶失措家族計劃》、《從好友變妹妹？未滿》、《卜通卜通Flexible！》、《Height × Tension》、《讓我們來學習！》、《雨中意外事件！》及《妹妹變幼妻？未滿》。呢本單行本被漫畫評論家稱為「超大型新人創作極品巨乳女神」之作，足見大家對momi喺巨乳描繪上嘅功力幾咁讚賞，尤其書中所收錄嘅兩篇故事《負×正》及《Pretty‧Break!!》，更係令人回味無窮。
《負×正》中嘅健二同凜係一間咖啡店嘅同事，亦係一對戀人，但凜對健二嘅態度卻忽冷忽熱。有日健二因為有事唔能夠返工，便拜託凜幫忙替班，卻被凜拒絕，凜更將呢件事寫入《失望愛情手記》之中。翌日，凜到貨倉取貨，點知意外地跌下樓梯，幸好健二及時墊喺佢身下而免於受傷，但係健二卻被壓暈咗，凜急喚健二，可惜對方冇反應，於是佢便將喺AV上學到嘅情色急救法用喺健二嘅兵器上，佢唔知道健二早已經甦醒過嚟，仲細意咁欣賞凜為佢吹奏，而凜會否趁住呢個契機，對健二打開心窗呢？
《Pretty‧Break!!》中嘅女主角黑姬優菜係一名人氣美少女偶像，更係事務所社長嘅千金，因此經理人斑尾翔馬暗戀優菜好耐，卻一直都唔敢表白。隨住優菜嘅人氣愈高，愈多女藝人妒忌佢，有日優菜向翔馬哭訴被女前輩叫做醜八怪，經過翔馬安慰後，優菜不但心情好轉，兩人嘅關係更變得親密。喺一次拍攝工作期間，優菜因為做唔出誘人表情而被導演斥責，便決定搵翔馬喺化妝間中嚟個情慾特訓，兩人終於突破最後一道障礙。
書名：《戀乳童話》
作者：momi
出版：Max
頁數：198頁
撰文：魂