現實中嘅海盜令人聞風喪膽，只係電影內嘅海盜，嗰種縱橫四海嘅自由奔放，卻係充滿冒險激情。不過喺情慾字海中嘅海盜，又係咪令人個心卜卜跳呢？今次為大家介紹一啲同海盜及Pirate有關嘅情色俚語，當然唔少得相關嘅AV人物及作品啦！
「Pirate」嘅中文解作海盜，原來喺英文嘅情慾俚語中，佢卻帶有多重意思。「Pirate」跟情慾扯上關係始於20世紀，佢一般係解做男女會好似海盜咁不斷出擊，並以征服對方為榮。不過喺澳洲情慾俚語中嘅「Pirate」，卻可作名詞或動詞用，意思係指佢哋想隨機獵艷，然後嚟番場友誼波。例句：Patrick pirates a hot girl to have a sexy night.（Patrick狩獵了一個火辣女郎來享受一晚性感夜。）
當有人問你想唔想要「Pirate Key」時，千祈唔好以為對方有條可以開啟海盜寶藏嘅鎖匙畀你，查實佢係一種玩後花園嘅動作。如果有睇過美國四仔嘅話，都應該見過呢招，佢嘅玩法係對方先趴喺床上並趷起臀部，另一方則用中指及無名指進入對方後庭……大家不妨發揮想像力。雖然有外國資深「Pirate Key」玩家表示，呢個動作唔一定要使用潤滑劑，但澳洲性學專家Kate McCombs卻表示，為免對自己或對方帶嚟不適，最好都係準備足夠嘅潤滑劑好啲。
如果問美國四仔中最著名嘅海盜作品，相信不少人會認為係2005年由Digital Playground及Adam & Eve兩大四仔片廠合製嘅惡搞版《魔盜王》作品《Pirate》。不過講到真正經典，美國四仔迷卻一致認為捨《Captain Lust And The Pirate Women》其誰！呢套又名為《Captain Lust》嘅四仔，喺1977年由美國四仔片廠Arrow Productions推出，搵嚟著名色情電影導演Beau Buchanan執導，並由Nancy Dare、Justine Fletcher、Jamie Gillis、Verri Knotty等眾多男女脫星演出。呢套四仔係美國成人電影中，首次以高成本拍攝海盜題材嘅作品，為咗令畫面更加逼真，攝製組更遠赴一個熱帶海島拍攝，並建造咗一艘「黑天鵝號」海盜船。故事講述黑天鵝號海盜船長Handsome Jack，同佢可愛嘅妹妹Anne，尋找殺父兇手嘅故事。由於內容富有戲劇性加上鹽花場面不斷，故當年備受推崇，而佢嘅DVD版喺2007年更喺AVN頒獎禮中獲得最佳經典四仔嘅提名。
一眾美艷日本AV女優好似海盜如狼似虎咁撲埋嚟，單係諗到呢個畫面已經夠晒過癮，只係邊套作品可以畀到大家呢種感覺呢？日本著名AV片廠Moodyz，喺2013年9月推出嘅《Moodyz Fans感謝祭 心臟卜卜跳巴士旅行 2013 補欠者救濟？美女海賊團淫亂之旅》必榜上有名。大家睇到「補欠者救濟」呢幾隻字時，千祈唔好覺得奇怪，事關呢個系列係Moodyz每年感謝祭中嘅補遺作，亦即係畀一班喺感謝祭中未能登場嘅女優有機會現身而拍攝。不過由於呢個系列嘅題材夠過癮，令佢嘅人氣直逼原感謝祭作品嘅地位。講番呢套作品，佢唔單止搵嚟波多野結衣演出，仲有大槻響、芹澤紬同琥珀歌坐鎮，而佢哋喺片中化身成性感女海盜，同一眾男優大玩水上遊戲。呢套咁消暑兼養眼嘅作品，最啱喺熱似火燒嘅夏天欣賞。
撰文：魂