台灣嘅經濟好唔好，相信大家各自都有答案，就以當地嘅色情服務嚟講，其實呢幾年嘅價錢冇乜加過價，而據業界人士稱係擔心價錢貴咗，反而會嚇走玩家。不過有人就覺得只要囡囡嘅質素夠高，價錢貴啲都唔怕冇捧場客。大家唔好以為係理想主義，現實確係如此！話說早前有位化名「可珍」嘅泰國籍女子，以觀光名義到達台灣，經朋友介紹，喺台北一幢大廈內以個人工作室，亦即係一樓一嘅模式開設架步，並透過網絡宣傳生意。由於佢樣貌俏麗，加上身材火辣，雖然佢開出每節30分鐘，要成2,200新台幣（約550港元）嘅全套價，但仍然吸引唔少玩家捧場。因為生意相當好，所以佢冇諗過離開，結果喺上個月底，亦即係營業咗約一個月之後，台北警方發現佢從事色情業務，於是突擊搜查架步，喺行動中，於房間內搜出未使用安全套46個，又搜得現金4,800新台幣（約1,200港元），而經警方調查後，以妨害風化等罪嫌移送。從呢單嘢可以睇得出，即使價錢貴，只要囡囡夠高質嘅話，的確唔使擔心冇人捧場。