相對於內地嘅髮廊同倉仔嚟講，其實街女出現嘅時間更加早。喺20幾年前，酒店同賓館附近總係會企咗大班囡囡，後來隨住髮廊興起，加上有關當局積極打擊，街女嘅數量愈嚟愈少。近年由於各種色情場所被掃蕩，以致街女再次湧現。不過大家千祈唔好以為係好事，以為有得平玩囡囡，皆因呢種企街兜客嘅經營方式，同時亦被內地嘅騙徒及盜竊集團睇中，以街女作為誘客入局嘅手段。話說早前雲南麗江古城有位蘇姓男子諗住喺當地獵艷，結果喺一條巷仔內遇到黃姓賣淫女郎，兩人商議好價錢後，黃女就帶蘇男到附近一個房間內交易。入房冇耐，蘇男嘅電話響起，點知拎起電話後對方就收線，呢個時候黃女聲稱蘇男似有病而拒絕提供服務，隨即離開房間，蘇男感到莫名其妙，諗住着番衫走人，卻發現衫袋內嘅手機同3,700元人民幣唔見咗，佢先至知道自己墮入賊局。之後蘇男去報警，並自認嫖妓，結果梗係受罰啦！至於黃女則潛逃3個幾月後，終於喺江蘇嘅崑山南站被警方逮捕，並移交麗江警方處理。