創意係令人類社會得以進步嘅重要元素，而調查亦顯示對於男人吸引女性亦有幫助。好多人都以為歐洲人性格豪放，性伴侶相當多，而英國人可能係當中嘅例外，因為當地男女都表示最理想嘅性伴侶人數係一個。樂極生悲嘅情況時有發生，床上交歡亦不時發生意外，到底邊個體位容易導致男方下體折斷嘅意外呢？
香港人除咗夠晒刻苦耐勞，創意亦相當豐富，時不時都可以見到創意十足嘅本地創新科技發明，只不過係政府唔識寶，冇加大力度推動，令種種創新發明未能普及。其實，創意除咗可以令我哋嘅生活更方便更多采多姿，原來仲可以幫助男士吸引女性，而女性對於有創意嘅男人上床意欲更強！早前外國一個調查搵來多位成年女性協助，安排佢哋坐定定觀看一批男士嘅個人照片後評分，跟住再睇同一批照片，但係事前指出呢班男士喺生活上同工作上都具有創意嘅特質，結果後者嘅評分比之前為高，而評分準則除咗包括吸引力，仲包括女性對相片中男人嘅上床意欲指數。負責調查嘅學者Christopher Watkins表示女性對具創意嘅男人有性趣，好可能女性覺得同呢種男士一齊唔會感到枯燥乏味，亦因為創意喺原始時期開始對於生存極有幫助，時至今日嘅女性亦有呢種思維，故認為有創意嘅男人更值得與之繁衍下一代。
好多女仔都話男人花心，見一個愛一個，但係愛另一個人嘅同時又要保留原來嗰個，其實女仔嘅心態咪又係一樣，男友買一個手袋畀佢，好快就要買第二個，就算買到一屋名牌手袋，欲望依然無休止。不過，以上心態就好似唔多適用於英國人喇！一個情趣用品銷售網站透過網上問卷，訪問咗3,751名成年男女，以了解佢哋最理想嘅性伴侶數目，結果相當出人意表，因為最多男女回答嘅數目居然係1個，真係唔講唔知原來英國人係咁專一喎！但係第二多人回答嘅性伴數目卻係11至15個。點解會有咁大分別呢？據調查負責人表示大部分男女都希望可以搵到一個理想伴侶能夠滿足自己，而當中有幸地搵到嘅就梗係回答話一個就夠晒數啦！至於答11至15個至夠嘅受訪者，相信係因為佢哋經歷多次尋覓，都係搵唔到一個合拍又滿意嘅性伴，所以需要更多性伴侶才能夠滿足自己。
所謂傲不可長、欲不可縱、志不可滿、樂不可極，開心都唔可以開心到過晒籠！的確，好多意外都正正係因為樂極而生悲，喺床上享受交歡過程亦係一樣！最近英國雜誌《Daily Star》收集咗唔少資料，點選出三個最容易樂極生悲，引致男方下體折斷嘅危險體位，大家參考過後就牢記於心喇！第一個危險體位係背面騎乘，呢招會將男方嘅小弟弟往勃起嘅相反方向牽動，之不過女士們卻唔知道小弟弟處於勃起嘅時候係唔能夠過分拗後，喺玩得忘形情況下就好容易令小弟弟折斷。第二個危險動作就係暢遊後花園，因為一般都比較緊窄，將小弟弟牢牢包褢，男方喺瘋狂抽送之間動作不暢，就好易會出事喇。最後一個危險動作係互相玩手作仔，道理同第一個動作差不多，女仔被男方以手刺激嘅時候容易開心到忘晒形，此時其玉手正套弄男方小弟弟，唔小心一屈一拗就會令男方受傷喇！
撰文：賢