唔好話四仔迷唔想知，其實細佬都唔係好想寫男優嘅嘢，一來葡萄，其次係佢有嘅你同我都有，除咗錢，咁點解仲要講，咪因為巴閉囉！一門三傑喎，夠威未先！Axel Braun呢個金牌惡搞導演全球都識，今日佢個仔Rikki Braun都出埋身，未做男優先做導演，唔好忘記佢嘅阿爺Lasse Braun都係知名色情片導演嚟o架！
如果唔係Axel Braun日日有新聞，細佬都唔想睇到佢出現，不過唔係大導有新片上畫，反而今次係佢被人「惡搞」，據新聞網AVN報道，Axel Braun個大名懷疑被盜用，作不法交易，唔只涉及錢銀，仲搞埋上床添！事件傳到當事人身上，Axel Braun周圍發文澄清，更嚴重警告侵犯者收手，否則將會有進一步行動喎！事源係Axel Braun起用新女合作都會透過「SexyJobs.com」中介平台幫手搵女，有人就冒充大導從事犯罪活動，呃錢兼呃女，報道就冇交代有幾多受害者，但就強調已即時停止帳戶，更叫大家放心。講就易，其實Axel Braun個大名被盜用都唔係今日嘅事，早喺2014年已發生過，據講當時超過150名囡囡被要求試鏡，好在發現得早，所以對於今次事件，睇怕佢本人都知陸續有來呀！
嗱，Axel哥嘅新聞已經霸咗不知幾多日，而佢個仔Rikki Braun仲誇張，唔經唔覺已長大成人，跟老竇搵食做埋四仔導演，仲有埋大作《Riley GOES GONZO 2 》於月底派街喇，你話四仔迷係咪要葡萄先？有個富爸爸，仲要有鹹濕富爸爸，錢銀同女人無限提供，爽死啦！
子承父業就梗啦，雖然外界對Rikki Braun嘅成就唔多睇好，但人哋「處女執導」，傳媒都要畀面報道，而講開呢套片就巴閉囉，除咗有Riley Steele呢位Axel哥御用辣妹擔正外，戲內仲有Abella Danger任佢舞，真係上上下下都要畀面佢呀！《Riley GOES GONZO 2 》當然有第一集啦，而上集正正係老竇Axel Braun喺2013年開拍，一手捧紅Riley Steele o架，跟住仲將阿妹收歸旗下做合約演員添！所以唔理報恩定搵銀，Riley Steele都一定要畀面嘅！有其父必有其子係咪真呢？好快就見真章，但身經百戰嘅Axel哥喺訪問轉移視線，呼籲巴打將焦點放番喺脫星身上，唔好因為Rikki Braun係佢個仔喎！大導放心啦，當年你老竇Lasse Braun喺四仔界咪又係屢獲殊榮，既係導演，又係製片人、編劇、小說家及研究員，仲有米蘭大學法律學位，作品遍布歐美，連你都可以擺脫父親，相信你個仔都唔會令你失望嘅！
撰文：祖