溝女王係咪一定要有男神般嘅外形，或者有國民老公嘅身家？南韓情聖崔正話你知，即使冇上述兩項條件，都一樣可以成為溝女王，而方法就收錄喺佢嘅著作《30天搞定你／妳要的人》之中。唔少見過崔正嘅人都會稱佢嘅外形同史力加差唔多，但你咪理，人哋喺16年間曾經同900名女性交往過，而佢嘅Blog「瘋狂戀愛」粉絲人數接近4,000萬人，並連續4年成為南韓戀愛Blog嘅冠軍！粉絲表示崔正有別一般戀愛專家，佢為讀者提供具實質幫助嘅建議。書中開宗明義話「雖然你長相平凡還是可以和正妹交往！」或「你當然可以認識比你優秀的男人！」從中可見，呢本書唔單止男人啱睇，女人亦可以從中學得一招半式，搵到心目中嘅男神。不過溝女技巧可以學嘅咩？崔正表示：「跟學習其他學問一樣，對戀愛愈下多工夫，實力就會更上一層樓！」