正所謂「蛇有蛇路，鼠有鼠路」，雖然內地一直以嚟都報稱吹緊嚴打風，但係識搵窿路嘅玩家都知，其實暗啞底仍然有唔少玩樂地方可以揀，只係當中有部分場所，就要麻煩玩家坐耐啲車程先至去到，其中一個選擇就係寶安區一帶嘅娛樂場所。不過當地早前已被大規模掃蕩。話說喺今個月5日，寶安警方以兵分四路嘅方式，對當地11間休閒按摩服務場所採取突擊掃黃行動。據悉，當地警方早就掌握目標場所內賣淫嫖娼嘅組織、介紹、容留賣淫嫖娼等違法犯罪活動。行動中，警方逮捕疑犯14人，當中有2人被刑事拘留，其餘則被行政拘留，同時又查封咗其中3間涉黃場所。除咗色情場所係行動打擊對象外，警方又表示網上涉黃違法犯罪，亦係重點打擊嘅對象。事實上，當地警方透過暗訪、埋伏同行動打擊方法，已成功破獲當地5個以社交應用程式進行招嫖活動嘅賣淫集團，當中刑拘3人，而行政拘留者更達32人。警方表示有關掃黃行動仍會持續進行，同時更會提升打擊力度，睇嚟玩家未來都未必敢再去玩。