所謂知錯能改，善莫大焉，一個人做錯事之後誠心悔改，相信大家都願意畀機會佢重新嚟過，但係錯完又錯，大家又應唔應該繼續縱容佢呢？我所指嘅唔係話題女王小向美奈子接連犯下「不可一，不可再」嘅罪行，而係化名Anri拍AV嘅藝能人女優坂口杏里呀！杏里呢位星二代因為沉迷鴨店，敗晒母親剩落嘅遺產，上年更下海拍AV。雖然杏里冇樣又冇身材，但係憑名氣一樣成功吸金，佢喺一次訪問中坦言，下海之後身家多咗兩個零。好多人都以為杏里會乖乖地喺AV界發展事業，最近卻傳來一則有關杏里被捕嘅消息。根據日本傳媒報道指出，杏里早前因為恐嚇交往中嘅鴨仔男朋友，要對方畀出30,000日圓，對方心生不忿，於是報警處理，而杏里就被警方逮捕。消息是否屬實仲未得到證實，但係杏里又話自己身家多咗兩個零，真係冇乜理由會為30,000日圓去恐嚇男友喎！就算消息屬實，除非杏里被判監禁，否則業界人士表示唔會影響到佢嘅AV事業，話晒有消息炒作一番提升女優嘅話題性，對作品銷量都有正面幫助嘛！