日本AV已經有三十幾四十年歷史，歷來令AV迷津津樂道嘅，除咗有一大班敢於喺床上拚搏嘅出色AV女優之外，仲有好多經典AV系列令大家印象深刻，好似Moodyz嘅《啪啪聲巴士旅行》、SOD嘅《超高級陪浴孃》及《魔鏡一號》等等，而今年踏入開業31周年嘅老牌AV廠Alice Japan同樣為AV迷製作出好多膾炙人口嘅經典系列，例如《人間廢業》、《女尻》、《侵犯狂》及《見面秒即合體》等等，當然唔少《逆ソープ天國》系列啦！呢個系列創自1989年，題材相當破格，一般作品都係描述女優點樣服侍男優，而佢就反其道而行，安排男優百般服侍攤喺床完全唔郁嘅女優，另外仲會加插突擊搜查環節，檢查一下女優帶到片場嘅私人物品，以滿足觀眾嘅好奇心。《逆》系列推出以來相當有口碑，但係拍咗十幾年再滿足唔到AV迷嘅胃口，故最後一集就係由星野美優喺2007年演出。家陣AJ廠決定將已經停拍10年嘅《逆》系列重新拍攝，而擔起省靚系列招牌重任嘅女優就係可愛又姣爆嘅川上奈奈美喇！希望奈奈美能夠將系列嘅精髓再次呈現畀AV迷啦。