喺遠古時代，男女交合嘅目的係為咗繁殖下一代，時至今日呢種本能已被唔少人遺忘，呢隻由日本成人遊戲開發商Rene所推出嘅《Welcome! 淫蕩的精靈森林》，就係為咗喚起大家嘅繁殖本能，當然呢個理由係開發商自己講嘅。故事講述只有女性存在嘅精靈世界「亞爾夫海姆」，不但係魔動力嘅源頭，亦可傳授新嘅生命，因此精靈世界縱然只得女性，仍可發展得相當好。不過隨住森林中嘅神樹開始枯萎，精靈世界面臨滅絕危機。為咗拯救精靈國度，佢哋召喚咗身處異世界嘅玩家，打算等佢同精靈以原始方式傳宗接代，簡單嚟講即係搵玩家喺精靈森林內瘋狂啪啪啪！不過精靈唔係一面倒支持呢種傳統方法，亦因此分為拒絕同接受兩個派系。經過一番爭拗後，兩派人士發現玩家嘅汁液具有增強自身魔力嘅作用，結果佢哋統統化身成精靈榨汁機。