近年愈嚟愈多日本成人漫畫女角色被模型化，究其原因一啲都唔難明，試問有乜嘢造型會比成漫女角嘅外形更加火辣呢？若然嚟自人氣作品嘅話，更係銷量嘅保證添！好似呢個最新登場嘅須磨麻耶，就係嚟自日本超人氣成人漫畫家兼插畫家Saitom大神嘅筆下角色，即係喺2015年3月20日推出嘅《Together》所收錄嘅單元故事《放學後的禮物》中嘅女主角。須磨麻耶爆乳得嚟又外形斯文，深受成漫迷歡迎，故此Saitom特登喺單行本作品內，以須磨麻耶作為結尾感言嘅插畫女郎。不過漫畫仍未能滿足粉絲，因此模型商決定將須磨模型化，而為咗隆重其事，不但搵嚟人氣模型原型師萩井俊士設計模型，更由Saitom全程監製及修訂，難怪模型嘅完成度相當高！講番須磨呢個新模型，一雙巨乳固然係最大嘅吸睛位，尤其係嗰條深長事業線，更係引人入「性」，加上嗰條短到爆嘅花邊短裙下所露出嚟嘅迷人美腿，極具觀賞性。如果玩家手痕嘅話，仲可以解除佢胸前嘅束縛，順手除埋條裙，養眼度爆晒燈！