從手機的交友App認識了這位失婚婦人J差不多一年，卻從未見過面，是的，我們一直處於只限「吹水」的關係，這中間當然有很多有趣的對談，消閒之餘，也可以藉此了解現時都會男女狀況，「呢度除咗約炮，仲有好多人鍾意分享，哈哈，分享自己的裸照！」婦人J這天先打開話題，「你收過？好多？」我問。「都多，有啲男人咩都唔想傾，講兩句就Send相過嚟！」「唔係好多女人都唔鍾意睇呢啲嘢嘅咩？」婦人J答：「咁都要睇時間嘅，我食緊飯你Send過嚟梗係核突啦，咁如果無咩做，你張相又靚嘅，我又唔介意望吓！」
這種手機聊天的好處是，大家不知道彼此的身份，甚至連對方甚麼樣子都不清楚，所以大家談天起來更加放肆。「應該有唔少男人約過你，有出過去？」「你明知故問啦，點會無，呢度根本就係一個約炮平台。」那有下文？最初婦人J不太願意說，後來大家熟落了，她才回答我：「其實我最想搵男朋友，但呢度搵，出兩次街就要上床，咁有Feel的話我都OK嘅，但好多都係上一、兩次床就失蹤，所以依家完全唔會有期望。」
撰文：黃韋龍