以往日本AV女優身份相當神秘，除咗喺AV作品見到佢哋嘅身影，就冇其他途徑可以同佢哋見面，唔似得家陣班女優咁，幾乎日日都會開攝影會同握手會，更加會以歌手身份登台，AV迷要同佢哋嚟個親密合照亦冇難度。之但係，仍有啲AV女優行蹤相當神秘，好似纖巧癡女冬月楓咁，就少有出席公開活動，其社交網亦大半年至更新一次，最近有消息指佢神秘失蹤添。至於有「神之乳」稱號嘅S1王牌爆乳女優Rion同楓姐一樣唔多公開露面，但係近期就例外，密密出動去到各大小AV銷售店，有時更以素顏姿勢嚟個微服出巡，睇吓店家有冇好好宣傳其作品，甚至開握手會推銷作品。其實，Rion由初出道至今，一直都對外出宣傳冇興趣，更加唔會公開自己嘅行蹤，近期一反常態當然有原因啦！S1廠內猛將如雲，單係一個人氣王三上悠亞已經搶走Rion唔少風頭，據聞就係因為咁令Rion充滿危機感，覺得地位岌岌可危，所以主動地走出閨房，爭取更多機會同AV迷見面，以保持人氣。