蘭州都有仁K

「仁K」呢個字真係好耐冇聽過,還記得當年北上嘅風光日子……OK,唔好再話當年。講番乜嘢叫做「仁K」先,所謂仁K其實係淫K嘅諧音,而淫K即係指有女陪玩嘅夜總會或KTV。喺唔少玩家嘅認知中,總以為只會喺大城市先至會有,事實上係內地各處都能夠搵到「仁K」嘅蹤影。咁講絕對唔係誇張,皆因早前蘭州就有兩個仁K場被查封。蘭州喺邊?位於甘肅省,距離香港1,817公里,坐飛機要3小時先至去到。講咗蘭州究竟有幾遠,就講吓佢哋仁K嘅事件。話說喺上個月底,蘭州城關區警方喺接獲線報後,對兩間位於轄區內懷疑有囡囡提供特別服務嘅娛樂場所採取突擊檢查行動,結果喺其中一間以傳媒有限公司做掩飾嘅仁K場嘅包廂內,發現有6名女性正進行相關活動,同時又喺另一間仁K場嘅包廂內同樣發現相同問題,更發現呢間仁K場竟然係無牌營業,呢兩個場已被依法取締。有人就話:「估唔到咁偏僻嘅地方都有仁K!」大家可能唔知,其實蘭州城關區發展得唔錯,有機會不妨去睇吓。

撰文:魂