日本AV女優引退當然令AV迷深感悲痛啦，但係大家都仲可以從AV銷售店以及不同AV銷售網站購入引退女優嘅作品，從中緬懷一下其風采。之不過，最近有位引退女優嘅作品突然宣告下架，到底發生咩事呢？有消息指出，最近日本大型AV銷售網站DMM將紅極一時嘅混血女王原紗央莉嘅作品全數下架，央莉呢位SOD專屬女優喺2009至2011年呢段時間表現活躍，人氣極高！而港人相信對佢嘅熟悉程度亦相當深，因為佢曾經參演過香港電影《3D肉蒲團》。2011年央莉表示因為311大地震而感到精神大受打擊，繼而宣告引退。引退期間央莉同一位50歲阿叔結婚，之後改名為松野井雅進軍樂壇。但係點解央莉引退咗成5年幾，其AV作最近至下架呢？據悉，日本AV界正面對前所未有嘅不明朗因素影響，當中包括有唔少知名嘅引退女優以及現役女優準備控告事務所強迫佢哋拍AV，而央莉就係其中一位。為咗避免受到調查，故DMM決定將央莉嘅作品全部下架！之不過，小弟做過功課，暫時只係發現DMM有如此動作，其他AV銷售網都仲可以搵到央莉嘅AV作品，但係之後就唔知喇。