如果大家都係機迷，又或者鍾意瀏覽各種互聯網視頻平台，應該會發現近年有好多YouTuber進行打機直播，畀網友們睇住佢點樣打機。小弟近期都有睇一個知名打機達人直播，感覺都幾過癮嘅，因為一路睇住佢打機，一路可以同其他網友透過留言交流心得同表達意見，氣氛相當熱鬧，至少好過一個人匿喺家中獨個兒打機啦！早前，亦有一位AV女優打機畀大家睇，佢就係被喻為AV界第一可愛偶像嘅初川南喇！初川南早前舉行咗一個粉絲聚會，同一眾粉絲喺東京一間餐廳飲飲食食兼傾偈，過程中然亦有加插攝影環節啦！不過，初川南再喺聚會中加碼，示範以及教導粉絲如何玩網上遊戲《美少女全鑑》，呢個以溝女為主題嘅遊戲所出現嘅女仔，全部都係AV女優，數量超過200個，其中一個就係初川南本人喇！而南妹喺示範點樣溝自己嘅時候都顯得有少少尷尬，仲話自己雖然係容易氹，但係就唔會只係用一罐汽水就可以令佢心花怒放喎！大家如果有興趣不妨玩呢個遊戲，溝吓初川南啦！