每次同人講起情慾小說，好多人都將佢同鹹古畫成等號，如果大家都有呢種誤解嘅話，咁就要翻開台灣著名情慾小說作家十二夜嘅小說《色慾》嚟睇吓，大家就明白中文情慾小說，同樣別有一番味道。
《色慾》不但被書評人稱為東方版嘅《格雷的五十道色戒》，更喺2016年獲得全球華文情慾小說大賞。作者透過文字引領讀者進入異色情慾世界，將無法招架嘅另類性愛展現大家面前嘅同時，卻又剖白出男女想愛又唔敢愛嘅內心世界。故事從一次交通意外開始，故事中嘅女主角首日返新工時，於路上就被車撞親，雖然佢並無大礙，卻將責任全推到對方身上，並強詞奪理向對方咆哮。返到公司至知，原來對方竟係自己嘅直屬上司！雖然男上司並冇責怪佢，但跟住呢位「工作狂人」上司工作期間，作為女助理嘅女主角卻感受到工作壓力之大。既具魅力又有工作能力嘅上司，慢慢令女主角對佢產生興趣，「究竟佢係何方神聖呢？」「點解同佢跳舞時感覺好似經歷一夕風流咁興奮？」「佢嘅床技係咪又好似舞技咁爐火純青呢？」甚至出現同對方喺床上玩盡愉虐情趣玩具嘅幻想。不過隨住佢嘅心理同肉體漸漸變得不能自拔嘅同時，佢內心卻出現兩種矛盾諗法：「應該就此斬斷情絲，定係義無反顧地徹底淪陷？ 」想知佢最後點抉擇，就要翻到最後一頁。
書名：《色慾》
售價：約HK$63
撰文：魂