日文中嘅「妄想」解做幻想，而透過圖畫同劇情勾起人慾望嘅日本成人漫畫，正正係引爆男士妄想嘅平台。不過每個男人嘅口味都唔同，點先至可以引爆到佢哋嘅幻想呢？咁就要睇吓成漫家Kotengu嘅作品《妄想Lovers》，自然明白到高手係點樣演繹喇！
同絕大多數日本成人漫畫家嘅出道經歷一樣，喺Kotengu仍未正式喺成人漫畫界出道前，早於2009年已活躍於各個成人漫畫同人圈，當時故事構思上有啲稚嫩，但係憑住出色嘅畫工而備受關注，尤其係筆下女角色嘅外形，更係充滿個人風格，唔似得一般成漫家咁追求薄身巨乳，而係擁有巨乳嘅同時，身材亦相當有肉感。可能有人認為薄身巨乳至係女神身材，豐滿巨乳未必啱口味，但事實卻證明唔少人都覺得呢種配搭，不但有真實感，豐腴嘅身材更有一種肉肉嘅感覺，好吸引。Kotengu亦認為勻稱身材先至可以帶出肉體美，反而薄身巨乳有種唔平衡嘅感覺，難以令人睇得投入。
Kotengu積極喺成漫同人圈創作，其後推出同人誌及進軍商業漫畫界，呢個時候佢喺故事鋪陳技巧上愈益成熟，加上題材多元化以及誘人劇情，愈嚟愈受歡迎，2011年更喺成人漫畫月刊《COMIC 失樂天》首次發表作品，因而人氣急升，至於佢首本單行本作品，就係喺2013年11月推出嘅《妄想Lovers》。
《妄想Lovers》共有13個短篇故事，分別有《密技教學》、《扮做小孩來玩》、《妄想眼鏡》、《秘密的女王》、《秘密的女王續集》、《變成大人》、《女子宿舍！》、《女孩媽媽》、《冒失妻子》、《刻薄的甜心》、《絕頂Mountain》、《癡女on the Beach》及《佳乃盛開的時候》。單行本發行後，獲得各方好評，有成漫評論員稱Kotengu嘅作品，充分展現巨乳美女嘅肉體美，尤其係充滿質感嘅雙峰，更係視覺嘅盛宴。此外，書中收錄嘅故事題材相當多，從狂野野戰到浪漫戀曲都有，當中必睇故事有《妄想眼鏡》同《秘密的女王》。
《妄想眼鏡》嘅女主角由佳，夢想有日成為舞台劇作家，適逢喺東京劇團表演嘅人氣舞台劇演員兼前輩逢坂，嚟到由佳所在嘅劇團演出，於是佢想盡快創作出最好嘅劇本，然後畀對方品評一番。經過一晚苦幹，終於將作品完成，然後開始每晚必做嘅指定動作，就係寫下自己嘅妄想日記。翌日，由佳將劇本交畀逢坂，點知唔小心將妄想日記畀咗對方，卻竟然獲得逢坂激讚！由佳既感到尷尬，同時又覺得相當興奮，慾火亦不期然地飆升，一場充滿慾望嘅妄想體驗就咁開始。
而《秘密的女王》講述喺一次舊同學聚會，大家熱烈地討論自己屬於S定M嘅話題時，唔少男士都表示希望畀當年嘅校花白坂愉虐一番，呢個時候男主角突然企起身大叫，話要愉虐眾人心中嘅女神白坂，犯下眾怒嘅男主角被眾人趕離聚會。正當男主角喺回家路上忿忿不平之際，突然有人從後將佢拉住，原來係白坂！白坂坦言一直等待想愉虐佢嘅男人出現，得悉男主角嘅諗法後，即時認定男方就係一直等待嘅主人。
漫畫名稱：《妄想Lovers》
作者：Kotengu
出版：WANI MAGAZINE
頁數：205頁
撰文：魂