日本AV女優拍AV拍得咁上下日子，體力下降、外貌失色，加上叫座力欠佳，好快就會引退。之後，佢哋都有唔少出路選擇，好似Rio咁轉型做歌手登台表演搵食，亦可以學峰奈由果咁轉行做插畫家，又或者好似松島楓咁嫁人做少奶奶，但係最多引退女優選擇係做風俗孃！好似曾幾何時以一副超絕品身材威震AV界嘅真田春香，引退後就做陪浴小姐。至於，AV監督轉行做陪酒服務，大家又聽過未呢？喺4月24日晚上，就會有一班知名AV男監督去到新宿歌舞伎町一間男公關俱樂部當陪酒喇！而呢班知名監督包括SOD社長兼監督野本義明、溜池滾球、二村仁，以及有「AV界柯南」之稱，身高只得3呎7吋嘅阿西等等。佢哋會喺當晚8點鐘出現，而且只會招待女客人，每位女士付費10,000日圓就可以同班AV監督把酒談心！監督們之所以咁做，除咗係貪玩，因為女AV迷嘅市場愈來愈大，故希望透過同女性接觸，更深入了解女性心態，方便拍攝女性向AV作品。咁又係，高官話要了解民情、廣納民意，都需要落區啦！AV監督們咁做絕對可取，希望佢哋今次有收穫啦！