所謂人靠衣裝，男人雖然唔夠高大又唔夠靚仔，打扮整潔依然可以喺女仔心目中加分；如果本身係靚女的話，形象整潔又清新，吸引力亦自然倍增！就好似今日為大家介紹嘅池田朱古力以及白河優菜兩位青春美人兒咁，即使身材唔算豐滿，憑住整潔形象一樣令男人精神大振！
商家要做好盤生意，一定要了解自己嘅目標客戶屬於邊個階層，從而好好計劃宣傳策略，如果自己係賣平民雜貨，宣傳嘅時候搞到懶高貴咁就錯晒喇！離晒地咪搞到貼地嘅平民唔敢幫襯囉！又好似家陣嘅電視劇咁，主角個個都做高級白領又住豪宅，出入又係高級會所，平民百姓嘅觀眾又點睇得投入吖！收視想高都幾難啦！唔知池田朱古力係咪了解到呢一點，故喺新作當中演出相當貼地。
池田朱古力清新脫俗，絕對唔係庸脂俗粉，平常鍾意食燒肉、飲啤酒，亦鍾意睇動漫，唔怪得朱古力咁惹人喜愛啦！而喺新作《ホットチョコレイト》中，朱古力特別表現出貼地嘅一面，除咗會換上好多性感內衣同水着，捵床捵席以及出浴場面不缺，同時亦有好多場面以便服及學生Look上陣，目的就係為觀眾展露出來自生活嘅美感，從中帶出不經意嘅魅惑。
碟名：《ホットチョコレイト》
收錄時間：120分鐘
售價：約HK$298
就算未養過貓，都應該知道貓貓除咗鍾意食魚同捉老鼠，天性亦喜愛乾淨整潔，所以不難發現佢哋花上不少時間整理體毛。一向以清新整潔形象而深得寫真迷喜愛嘅白河優菜喺最新寫真作品當中，扮演可愛貓娘角色更加入型入格，相得益彰喇！雖然優菜妹已經27歲，但係可愛氣質同初出道嘅時候一樣咁強烈，話佢20歲都冇人會懷疑。優菜除咗可愛又甜美，胴體雪白且玲瓏浮凸，難怪喺選美活動「汐留寫真偶像甲子園2011」勇奪亞軍。
寫真映像作品《Cuddle up~優しい氣持ち~》乃係優菜相隔兩年半之後推出嘅最新之作，隔咗咁耐，當然要隆重其事啦，所以優菜特別飛到印度取景拍攝，為觀眾帶來耳目一新嘅異國風情。至於主題就講述優菜係一隻可愛小貓，被好心人救起好好照顧，之後優菜就變身貓娘，以性感姿勢為主人提供視覺享受，即使唔係貓奴嘅觀眾亦一樣會被優菜嘅可愛青春魅力，以及陽光氣息所深深吸引。
碟名：《Cuddle up~優しい氣持ち~》
收錄時間：91分鐘
售價：約HK$284
撰文：賢