雖然話今日女性嘅地位提升咗唔少，但礙於傳統觀念嘅束縛，女性對於性愛二三事仍然羞於啟齒嘅同時，卻又抱有濃厚嘅好奇心。既然係咁嘅話，呢本由日本專門描寫關於女性閨房密事嘅日本團隊TEAM Girl's Side，佢哋所著作嘅《寫給女孩的壞壞愛技》，相信可以解答到各位姊妹嘅疑問。大家都知女性問題，最了解嘅莫過於女性自己，而當女性對閨房問題有疑問嘅話，最常用嘅方法就係問身邊嘅姊妹。不過道聽塗說嘅答案，卻又疑幻疑真，呢個候TEAM Girl's Side就為大家解答箇中問題。書中從身體到心理、從基本到進階、從文化到社會層面，透過多個角度為姊妹深入認識性愛究竟係乜嘢一回事。當然除咗喺認知層面上解說外，書中更結合多位女性作家嘅意見，綜合咗526項實用技巧，從點樣營造同男伴親密接觸嘅氛圍，到點樣可以令大家體驗到無比高潮嘅床技，都會以圖文並茂一一解說。此外，更請嚟日本AV女優，兼AV女優團體「惠比壽麝香葡萄」成員Rio拍攝內頁形象照，加上充滿生活感嘅場景，引領讀者進入書中嘅氛圍。