日本人氣美少女團體AKB48，相信大家即使未睇過佢哋嘅演出，亦一定聽過佢哋個名。雖然小弟對日本文化興趣甚濃，但係一直都冇乜欣賞過AKB48嘅作品，之不過前AKB48成員就睇過唔少！事關畢業自呢個團體嘅成員經過一段日子成長之後，身材發育得更加誘人，樣子亦比以往更有味道，知名嘅例子包括現時正喺寫真界大展拳腳嘅巨乳尤物金子智美、倉持明日香同埋平嶋海夏。繼佢哋之外，最近又有一位AKB48前成員轉投寫真界，佢就係小林香菜喇！
25歲嘅香菜喺2006年正式加盟AKB48，當時個樣青春活潑又稚氣未消，十足一朵含苞待放嘅小花咁，經過10年時間之後，喺上年從團體畢業轉型作個人發展，至於第一步就當然係趁自己個樣變得成熟咗又索咗而進軍寫真界啦！《ヤッちゃった》就係香菜嘅首本性感寫真集，表現相當落力，當中有唔少半裸演出，大露封存已久嘅波邊，亦會赤裸上身只以雙手遮胸上陣，香菜一嚟就作出咁大尺度嘅演出，睇嚟好有決心喺寫真界搶佔一席位！
書名：《ヤッちゃった》
售價：約HK$190
撰文：賢