床上玩樂最重要係有聲有色！有色係指姿色，對手樣靚身材正，都幾難玩得唔開心。有聲則係指叫床聲，若然上到床粒聲都唔出，點叫人玩得開心呀？講開聲音，其實叫床聲都有好多類型，有含蓄又有狂野，而喺情慾字海中，更有唔少跟聲音及Voice有關嘅俚語同作品添！
「Voice Sex」直譯係聲音性愛，即係伴隨聲音而發生嘅性行為。佢嘅玩法係男女其中一方講鹹濕嘢兼發出指令，聽嘅一方以自娛方式滿足自己，最為人熟知嘅玩法係「Phone Sex」，電話性愛是也。講起電話性愛，唔知大家仲記唔記得當年嘅鹹濕熱線「173-173-XXX」每六秒六毫呢？其實美國都有呢類情色專線，並統一以「900」作為電話號碼開頭，首位開設「900」成人電話服務嘅係美國經典脫星Gloria Leonard。呢位生於1940年8月28日嘅脫星，活躍於70至80年代，佢嘅代表作有《Odyssey, the Ultimate Trip》、《Taboo American Style》及《Wrangler: Anatomy of an Icon》。據佢解釋當年開設成人專線嘅目的，係作宣傳及嘗試可否用嚟搵錢，估唔到呢種玩法竟發展出日後蓬勃嘅成人電話產業。
有啲人嘅性癖相當特別，例如鍾情塑膠質感、迷戀絲襪等，而「Voice Fetish」係指對某種聲音會產生特別快感嘅性癖。有人稱之為戀聲癖，即係鍾情叫床聲，查實佢分得好好細，例如有人會對撕開紙張嘅聲音產生莫名嘅高潮，有人聽到刮玻璃嘅刺耳聲會有興奮感覺，甚至有啲人聽到人講法文時會心如鹿撞。好似港產片《方世玉》嘅苗翠花，每當聽到老公方德念出「美人捲珠簾……」時就會春心大動，正係呢種戀聲癖最好嘅體現。例句：If you like phone sex, you might have a voice fetish.（如果你鍾意玩電話性愛，你可能有戀聲癖）。
自80年代美國開設成人專用嘅電話號碼後，色情電話隨之蓬勃發展起來，而美國唔少四仔片廠均以呢種現象作為四仔劇情，只係講到當中人氣之作，相信非1994由美國四仔片廠Vivid Wave推出嘅《Voices In My Bed》莫屬。呢套由Layne Parker執導，並由當時人氣脫星Ashlyn Gere自編自演嘅作品，搵嚟眾多喺未來成為四仔天后嘅脫星演出，分別有Nikki Sinn、 Stevie Starr、Brooke Ashley等，單係陣容已經夠晒勁！故事講述當時Phone Sex嘅眾生相，好似有女性為咗獲得現實難以擁有嘅性高潮，於是夜夜打成人電話以求自我滿足，亦有從事成人電話工作嘅女性，點樣透過幻想嚟得到性滿足等。呢套作品不但可欣賞到Ashlyn Gere嘅魅力，更展現佢喺編劇嘅才華，難怪佢先後打入AVN同XRCO嘅名人堂。
講到日本靚聲，唔可以唔提一班聲優。呢班以靚聲同靚樣成為人氣偶像嘅聲優有勁多粉絲，難怪有美少女為咗成為其中一員，以AV作為跳板，希望有朝一日打入聲優界。以櫻日向為例，佢喺1993年5月17日於東京出生，2013年9月以藝名君野由奈之名，以AV片廠kawaii專屬女優身份出道，並推出AV處女作《新人！kawaii＊專屬首發 學習鋼琴16年的名門少女女子大學生》。當年佢已經同一眾AV迷表示，希望有朝一日能成為聲優。及至2014年1月，佢離開kawaii並改用現時藝名，以單體女優身份繼續演出AV，冇耐就淡出AV界，唔知係咪開展咗佢聲優之路呢？其實AV女優嘅身份，有可能會影響聲優工作嘅發展，先唔講去年人氣巨乳聲優新田惠海，因被人發現曾演出素人AV而被公司解約；曾為電玩作品《秋之回憶：從今以後》女角色鷺澤緣配音嘅聲優石原繪理子，亦因被爆曾演出AV而令事業盡毀，真係前車可鑑呀！
撰文：魂