台灣嘅色情業者為咗引起玩家嘅注意，以直白得嚟又夠鹹濕嘅廣告語作為宣傳，好似「青春艷麗」、「貌美巨乳」等。有心人一睇就知道佢喺度講緊乜，如果真係淫筋蠢蠢欲動嘅話，更可以直接聯絡對方。不過隨住台灣警方愈嚟愈重視網絡上嘅色情資訊，家陣唔係有太多色情業者敢再以直白嘅語句進行宣傳。早前台北市警方卻發現網絡上，竟然有人夠膽發出「優質小姐不洗夠臭，品質保證不打槍！」嘅訊息，即時引起大家嘅注意。正當唔少人以為佢係色情業者又一創新廣告語之際，經台北市警方調查後發現，原來佢並非色情廣告，而係一個毒品廣告，涉案人更係一位16歲嘅曾姓少年。據呢位少年稱，因為唔夠錢使關係，所以鋋而走險。佢解釋所謂「優質小姐」係毒品嘅暗語，「不洗夠臭」就係指唔會混入其他雜質，夠純正。呢位曾男雖然現時已依毒品販賣罪被移交少年法庭調查，但如此出位嘅廣告，卻令當地業界人士嚇親飽，以為會因此而掀起一輪掃黃行動。