十年後你會係點？一年後嘅樓價都估唔到啦，何況十年！相信Nadia Hilton都估唔到自己由十年前極度淫蕩、男女不拘嘅床上脫星，如今變成牧師打救迷失男女！雖然唔少花生友話阿妹假慈悲，繼續網上開心「些牙」阿妹嘅陳年精彩作品，但講到尾Nadia都留低唔少美好回憶畀大家，唔恭喜都唔使怨恨嘅！
每個年代都總有脫星從良撈番正行，純粹係佢哋身份太特殊先會咁受社會關注啫，其實連脫星本人都唔覺得係乜嘢一回事，好似最近被美國傳媒大肆報道嘅Crystal Bassette，呢個名你一定唔識，但一講Nadia Hilton，巴打即刻有反應，無錯，過去十年稱得上索爆齊架生，男女同床都淫到爆嘅佢，喺2014年退出脫星界，跟牧師結婚，依家佢仲做埋牧師瞓身傳道。早前Nadia接受傳媒訪問時表示，早已看淡名利，過往脫星生涯最擔心係無錢，今日最擔心係幫唔到人，真係好偉大！喺訪問中，佢自爆當年最紅時，最差嗰個月都搵到30,000美元（約234,000港元），住比華利山，出入揸法拉利，觀音兵多到連名都唔記得，絕對係大家口中嘅「人生勝利組」，不過佢話咁樣先係最迷失嘅人生！點解？都係嗰啲啦，入行前遇人不熟，畀人搞大個肚仲走埋佬，窮到連飯都冇得開，於是跳艷舞兼做脫星賺奶粉錢，Nadia坦言唔想拍四仔，但為咗開飯惟有獻出第一次，完事後沖涼喊足兩粒鐘！
既然洗濕咗個頭，就算錯都要繼續，況且佢愈撈愈掂，事業一帆風順，收入豬籠入水。但都係嗰句，物質愈豐盛，內心愈空虛，Nadia坦言經常飲酒嚟麻醉自己，直至認識牧師老公，對方一啲都唔介意佢嘅職業，用大愛感化佢、保護佢，最後阿妹上岸唔做，而Nadia Hilton呢個名從此喺脫星界消失，而Crystal Bassette先至係佢嘅真名。過去幾年，阿妹相夫教子亦不忘傳道，而綜合新聞網站報道就話佢做咗牧師添！講咁多阿妹背景有乜意義？只係想大家明白Nadia Hilton嘅古仔喺脫星界周時發生，雖然好多脫星引退之後都係得唔到各界支持，甚至群起反對，但相反Nadia就非常關心大家嘅生活，所以大家應該要尊重Nadia，唔好再畀任何負評喇！
Nadia Hilton由脫星變做牧師睇落好幸福，其實條路一啲都唔易行，以下呢兩位引退脫星都一樣愛心爆棚，雖然辛苦，甚至被人抽水，但係佢哋都認為所做嘅一切都係值得嘅！
撰文：祖