如果大家仲記得北上輝煌期嘅話，都會聽過花街之名，當年一條花街，兩旁企咗過百名囡囡，呢種景況相當震撼，而性城路上更係倉仔林立，嗰種燈紅酒綠法真係諗都諗唔到。雖然時至今日風光不再，但估唔到有人竟然夠膽喺北京複製呢個模式，認真大膽。
成日都聽到經常到北京出差嘅人問，邊度有搵囡囡嘅地方呢？市內就唔敢講，但係一啲遠離市中心嘅地方卻有得揀，而位於首都機場嘅順義區李橋鎮某條街道，就係其中一處火熱嘅選擇。喺呢條街上有多達13間倉仔，雖然倉仔門口冇招牌，又冇任何標籤，但每到夜晚就會亮起紅燈，倉仔內更坐滿衣着性感嘅囡囡。色中之人一睇，就知道佢哋有「景轟」。玩法係玩家先喺倉仔揀女，然後到附近指定嘅公寓交易。呢13間倉仔同屬一個色情集團管理，為咗保障安全，分工相當細緻，不但會安排成員喺街道兩側停泊車輛睇水，而車內更設有對講機即時報告情況。不過縱然佢哋做得咁嚴密，結果仍被警方破獲。據稱色情集團有3位老闆，旗下有兩名睇水、4名管理倉仔職員，另外有囡囡多名。行動中，警方唔單止拘捕集團人士，連同租畀集團用作倉仔嘅店舖業主，同埋作為性交易用途嘅公寓業主，均因涉嫌協助組織賣淫罪而被刑事拘留。
近年台灣嘅色情場所大多以美容院、養生坊等作為包裝，不過呢種店舖式經營一來投資大，二來又容易成為警方稽查嘅對象，萬一被查封嘅話真係血本無歸。有見及此，近年台灣嘅色情業者採用香港嘅一樓一營業模式，長期包租套房單位，再分租畀賣淫小姐入住兼做生意。呢種做法嘅好處係相對以往店舖式經營，成本會少啲之餘，隱蔽性變得更強。為咗令小姐供應鏈有穩定性，業界更結合「假自由行真賣淫」嘅方法，讓囡囡甫抵台便藏身喺套房內，然後再讓玩家自行上門消費。台灣警方曾開展「清樓行動」，訪查大廈租戶卻仍然未能有效打擊呢種情況。有關當局坦言雖然會加大打擊力度，但由於日租套房不但大多喺城市中，而且以日租嘅方式更方便色情業者每日轉換地點，以打游擊嘅方式應對警方嘅掃蕩。目前佢哋只能靠民眾舉報，或從網絡資訊及手機色情短訊落手，執法難度相當大。
撰文：魂