色情行業可以話存在咗好耐，雖然當中有曾經合法同唔合法嘅時期，但現今仍然係唔少地方生活嘅一個部分，好似日本咁，就有風俗店着重風俗文化，更搵專人為新入籍風俗孃傳承傳統風俗文化嘅精神，相當認真。
內地有關當局對色情場所大掃蕩，與此同時又嚴控網絡上嘅色情資訊，因而令傳統嘅色情場所，好似夜總會同邪骨場等嘅生意受到極大影響。為咗搵出路，於是業界人士改以隱蔽式經營，利用手機社交應用程式作宣傳，吸引玩家捧場。但係近期呢種做法唔再可行，被內地當局嚴控固然係其中一個原因，最大問題在於社交應用程式上，以搵囡囡作為誘客嘅色情詐騙案愈嚟愈多，令到唔少玩家對呢啲手機訊息缺乏信心，唔少業界人士被熟客誤以為係詐騙訊息，因而佢哋愈嚟愈擔心，以後難以再喺網絡上進行宣傳同聯絡。有業界人士認為，未來嘅出路終會回歸實體店，即係透過網絡聯絡嘅同時，亦會有實體店嘅存在。不過呢種做法卻會令風險大增，究竟可唔可行實在係未知之數。
呢次台灣嘅新竹警方真係發火喇！大家如果仲記得今個月初，新竹警方喺取締當地湖口鄉榮光路嘅一間私娼寮時，被店內扯皮條毆打，其中一名警員更被人打到腦震盪。新竹地檢署早前宣布，將會聯同縣政府一同進行稽查，並以三階段方式對當地進行掃蕩。首階段先由當地警察執行一個月嘅封街取締；第二階段係對用作私娼寮嘅單位進行斷水斷電；最後階段則係等湖口鄉公所查報所有被斷電及斷水地點後，將會進行全面嘅清拆工作，從而將所有私娼寮連根拔起，有關當局預計最快半年內剷平當地所有私娼寮。據稱當地用作私娼寮嘅平房，原本早喺10年前已拆除，後來死灰復燃，現時有多達77間，當中勝利路有18間、榮光路有59間。雖然唔知係咪可以喺半年內將當地所有私娼寮剷平，但可以肯定係私娼寮一定冇運行。
唔少日本風俗店都會搵專家嚟教授風俗孃按摩技巧，有人以為呢啲只係噱頭，之但係事實並非如此，好似呢位喺東京新宿風俗店「Renaissance」擔任講師嘅平田由紀，就係一個好例子。現年29歲嘅平田由紀年輕時曾喺一間粉紅沙龍（Pink Salon，日本其中一種類型嘅風俗店，主打吹奏服務）工作，期間結識亦師亦友嘅好姊妹，並喺對方嘅傳授下習得出色嘅技術。其後離開風俗業嘅佢，去年3月收到好姊妹電話，問佢有冇興趣到一間自昭和時代開業至今風俗店擔任講師，結果平田就開始講師工作。佢表示每次以一對一方式為新入籍嘅風俗孃授課，而課程共3至4堂，內容除咗傳授床技外，更重要係講解各種風俗孃嘅職責、操守同埋服務態度。佢指出風俗店好重視自己嘅一套文化傳統，尤其係一啲老字號嘅風俗店，而佢嘅職責就係將傳統風俗文化傳承畀新一代風俗孃。佢笑稱技術好易教，但係要新入籍風俗孃遵從老一代嘅傳統，呢方面反而要用上好長嘅時間，除咗因為觀念唔同之外，亦因為新入籍嘅風俗孃對風俗文化傳統缺乏認識。
撰文：魂