小弟成日都話世事無十全十美，靚女好多都冇身材，好身材嘅通常都唔靚女，就算又靚女又好波，亦一樣會有缺點，就好似日本AV界人氣王三上悠亞咁，出賣美色方面佢可以話係天才，但係一遇到考試就即係露晒底，仲畀姊妹嘲笑佢係蠢才，更要接受白癡大懲罰添！真係陰功喇！
古人話女子無才便是德，不過家陣唔同喇！作為男人就希望女人乜都「得」，入得廚房，出得廳堂就唔使多講啦！最好更加係床上功夫了得，老公要求玩咩花式都要得得得啦！世上有冇咁好嘅女仔呀？梗係有啦！當今日本AV界紅到發紫嘅三上悠亞咪就係囉！之不過悠亞都唔係話十全十美，因為悠亞早前畀人懷疑智力有問題！事緣悠亞同一眾惠比壽★麝香葡萄嘅成員參與電視節目《麝香葡萄之夜》一年一度嘅大測驗，以筆試方式作答「語文」、「社會」、「一般常識」三個範疇嘅題目，結果AV天后明日花綺羅美貌與智慧並重，考到第一名，至於三上悠亞嘅成績就慘不忍睹，故被節目主持人以及姊妹取笑為蠢豬。當中，最令人啼笑皆非嘅係其中一條題目需要繪畫出一代法國皇帝拿破崙嘅畫像，點知悠亞就畫咗個額頭有條疑似精蟲嘅原始人出嚟，搞到人「O」晒嘴！
由於三上悠亞考第尾，節目主持人就安排悠亞接受大懲罰，點罰法？就係要悠亞學電波少女咁，隨街尋找好心司機車佢去東京國立市嘅谷保天滿宮，原因係當中供奉學問之神，悠亞學問咁屎，真係要去參拜一下，求神賜予佢更高智慧喇！之不過，悠亞索到啪啪聲，要搵人車佢去天滿宮易過借火，咁又點算係大懲罰呢？故主持人就硬性要求悠亞變身成為佢自己所畫嘅原始人拿破崙，冇得色誘好心司機！但係主持人都唔算好黑心，畀咗十萬日圓，即係六千幾七千港紙悠亞特別打造呢身拿破崙造型，認真待佢不薄！經一番努力，以及喺截車途中備受路人嘲笑之後，悠亞亦成功完成任務。然而，主持人就話過程太順利唔收貨，提議悠亞再嚟多次，但係今次就要佢由東京出發去京都另一個天滿宮，嘩！由東京搭高速鐵路去京都要成兩個幾三個鐘喎！家陣要你截車去京都，悠亞你點搞呀？
雖然悠亞喺大測驗中成績十分差，令人覺得佢冇乜常識，但係論人氣悠亞絕對係No.1喇！上年年尾，悠亞上載大跳「戀舞」嘅片段，點擊率高達240萬之多，可見大家幾咁支持悠亞！而悠亞最近仲化身成為YouTuber，開咗個專屬YouTube頻道專門發放自己嘅最新片段，當中多數都係佢表演跳舞，亦有微電影。除咗拍片，悠亞亦親自整朱古力蛋糕，整咁多蛋糕做乜呢？原來係為咗一年一度嘅粉絲聚會招呼粉絲。喺呢個聚會入面，悠亞唔單止勁歌熱舞一番，亦換上性感泳裝同粉絲大玩猜枚遊戲，不過悠亞最好盡快減減磅喇，因為佢換上泳裝真係顯得肥肥哋囉。
撰文：賢