所謂知己知彼，百戰百勝，又有云修身、齊家、治國、平天下，可見了解自己以及提升自我修為幾咁重要！想盡情享受床笫之歡，由自己本身出發亦一樣重要！今日就為大家介紹一本情色工具書，教女士們了解自己嘅身體，至於男士們亦可以欣賞一本由魅力過人嘅寫真小天后演出嘅火辣寫真集，必定能引爆慾火！
日本寫真界曾經出現過唔少姊妹檔，好似山中真由美以及山中知惠，而近年紅極一時嘅姊妹檔當然係柳姊妹，家姐柳彩葉及妹妹柳優里菜啦！最近柳優里菜專注藝能界發展，拍戲又拍劇，至於柳彩葉則全力喺寫真界發圍。今年26歲嘅柳彩葉風韻絕佳，綺麗又溫柔嘅姊系面孔極為迷人，身材更加迷盡天下男人，除咗婀娜又帶健美感之外，胸前嘅F奶斤両十足，極具彈性，簡直係索到爆燈！
《いろは》係彩葉自2014年加入寫真界之後嘅第一本實體寫真集，雖然係咁，彩葉嘅演出完全冇就住就住，更加挑戰從事寫真工作以來嘅最大露出極限！寫真集以溫泉旅行為主題，所以彩葉除咗會穿上大量比堅尼演出，亦會以內衣上陣，更加會有光豬入浴嘅場面，大露玉背、玉臀以及波邊，喺溫泉旅館中大放肉光，引爆男士嘅慾火！
書名：《いろは》
售價：約HK$168
姊妹們心裏有個謎，長在心底！乜嘢謎咁難解？咪就係對性嘅疑惑囉！好似傳聞做愛會令女人變得更靚、凍卵係保障生育嘅靈丹等，究竟係啱定錯呢？呢本由日本女醫生宋美玄著作嘅《姊姊妹妹身體使用手冊》，相信可以為大家提供參考。之前，宋美玄曾著作《女醫師教你真正愉悅的性愛關鍵69》，賣出超過80萬冊嘅銷量佳績，證明佢相當有實力。而喺呢本著作中，佢為姊妹們破除各種關於性愛、女性生理、生育等嘅疑惑，等大家唔會被坊間流傳嘅錯誤觀念誤導，例如「係女人都會經痛，最好忍耐着，因為食藥好傷身」，作者就話呢個講法係錯嘅，食藥調整經期係安全同溫和嘅方法；仲有，「女人要避免腹部着涼，否則會造成子宮虛寒」，作者直言都係錯嘅，因為子宮位於骨盆內，喺整個身體溫度最穩定嘅地方，唔會咁容易冷親；至於好多人都以為「服避孕藥好可怕，不但會致肥，仲有很多副作用」，作者話呢種觀念勁錯，因為避孕藥係非常溫和嘅藥物，副作用微乎其微。滿腦子充滿疑問嘅姊妹，呢本書必睇。
書名：《姊姊妹妹身體使用手冊》
售價：約HK$75
時裝、性愛、人口販賣呢三樣嘢本來風馬牛不相及，點解可以扯得上關係？咁你就要睇《Threadbare: Clothes, Sex & Trafficking》喇！呢本書由Anne Elizabeth Moore等多位漫畫家合編出品，Anne來頭甚猛，係一位國際知名嘅暢銷文化評論家及漫畫家，最架勢係透過漫畫諷刺時弊，今次亦唔例外，利用最擅長嘅漫畫，刻畫世界貧富懸殊，貧窮國家受到嘅不平等待遇，借時尚界，講述柬埔寨血汗工廠到維也納時裝設計工作室，從超級名模日常生活到落後國家人口販賣，女性出賣肉體，當中極端嘅反差好值得大家反思，雖然用漫畫形式串連，但文字極多，而且非常有深度，例如講述人口色情販賣，描述買賣雙方嘅心理，另外又會講及一般人去時裝店買衫嘅心態，同時又可以見到售貨員看待貴賓與搞搞震冇幫襯嘅麻煩客嘅分別，既色情又睇到人性，夠過癮！
書名：《Threadbare: Clothes, Sex & Trafficking》
售價：約HK$108
撰文：賢、魂、祖