借頭借路呢樣嗰樣嘅人，相信大家都遇過唔少，當然佢哋所做嘢嘅有時又唔係錯晒，只係觀點與角度嘅問題，好似內地有色情場所竟以人體寫生作為掩飾，而日本則有風俗店以「正直な」之名，希望建立口碑。
拍拖同已婚嘅男人去滾前要搵藉口，而內地嘅夜場為咗掩人耳目，同樣需要搵藉口。據內地嘅夜遊業者稱，諗藉口真係幾難，以前就話喺桑拿場內，借養生偷偷提供性服務，但係隨住打擊行動不斷，真係要諗多啲辦法至得，其中最離譜嘅藉口，卻非「人體寫生」莫屬。原來有啲樓上舖為咗掩飾經營色情場所，不但以畫室自居，讓囡囡光明正大喺店內裸體，而一班充當繪畫班學生嘅玩家，亦可以乘機同囡囡曳曳。若然遇着突擊檢查又點算呢？佢哋就稱喺度進行人體寫真練習。當然藉口歸藉口，最後亦被有關當局拉人封舖，故此呢種做法梗係唔掂啦！
經營色情場所嘅幕後老闆通常都好神秘，亦好難將佢哋繩之於法，不過台灣最近就有位幕後老闆落網，而最令人意外嘅佢竟然係位市議員！早前56歲無黨籍嘉義市議員洪男，被地檢署以詐領助理費經營色情場所同埋經營麻雀賭場而檢控。據稱，洪男係當地一間酒店嘅老闆，自2015年1月至2016年10月期間，於酒店內安排泰國囡囡進行色情表演，每個月嘅盈利達180萬元新台幣！據起訴書中稱，洪男更涉嫌控制並剝削5名泰國女子賣淫，而每名女子每個月只得2萬元新台幣（約5,000港元）工資。老套啲講句，家陣一切仍處於司法程序，洪男下場係點仲要有待判決。
唔知日本有冇商品說明條例呢？事關貨不對辦嘅問題，一直困擾日本玩家。大家都知現今日本嘅風俗店，絕大部分都設有官網，方便玩家上網睇女兼預約。不過風俗店官網內嘅風俗孃相片同資料，幾乎所有都係修改過兼假資料，結果玩家見到風俗孃嘅真人後，經常出現不似預期嘅情況。由於呢個情況實在太普遍，故此縱然玩家有不滿，風俗店卻一於少理。為咗改變玩家嘅睇法，近排東京有唔少風俗店以資料「正直な」作為賣點。所謂「正直な」意思即係誠實，而據一間位於東京新大久保嘅出張風俗店「解體性書」指，展現佢哋誠實嘅地方，在於風俗孃嘅照片並無修圖，身高、三圍、嗜好等資料，亦如實報上，例如風俗孃身高係152cm，佢哋唔會改成160cm、風俗孃上圍33B，唔會改做33D等。佢哋預期呢種做法，將可以建立起玩家嘅信心，至於成效如何就要待時間驗證。
撰文：魂