踩單車、游水有益身心，仲有助消脂減肥，不過有調查顯示英國女寧願進行口舌運動嚟減肥。人妻出軌係日本AV常見情節，原來喺日本社會當中出軌人數亦為數不少。畀你選擇，贏錢好啲，定係上床次數多好啲呢？一陣就同大家睇睇相關嘅研究結果。
正所謂日日運動身體好，小弟為咗減肥瘦身，近期都努力做運動，之但係每次都要鼓起好大勇氣先至去跑步，而跑步期間亦唔覺得有咩樂趣可言，實在難以持之以恒。諗諗吓，其實我應該需要一個女伴陪我一齊做「運動」至真！早前有研究顯示，跑步35分鐘所消耗嘅卡路里，相等於床上激戰15分鐘、另外，亦有指女方為男方提供口舌服務，半小時就可以消耗100卡路里，相等於進行23分鐘踩單車以及20分鐘瑜伽。而喺美國就有一個調查訪問咗12,088名成年女性，睇吓佢哋喺口舌服務、踩單車以及做瑜伽三樣運動當中點樣選擇，結果有8成女性表示寧願進行半小時口舌服務嚟減肥，點解呢？大部分受訪者都回答話因為呢種「運動」做得最開心，更加可以增強彼此嘅關係！
好多電影同電視劇嘅男女感情都會有第三者介入，係都要搞到又生又死又要刀仔插大髀至安樂。老實講，喺現實當中亦屢見不鮮，小弟早前識咗一個女仔就係做咗人哋小三，亦有幾個老表曾經試過包二奶。不過，大家都唔使驚訝，喺日本方面，已婚男女出軌嘅比率亦唔低。
早前日本網話BIGLOBE發表咗一份來自一家綜合偵探公司做過嘅一次出軌調查，當中顯示有26%已婚男女曾經發生婚外情！
至於點解呢？最多人回覆嘅答案係同伴侶相處出現問題，其次就係因為真心喜歡第三者，亦有人係因為受唔住第三者引誘。之不過，出軌人數雖然唔少，但係問到佢哋贊唔贊成呢種行為時，大部分人都表示反對。
如果要我喺事業同愛情之間二揀其一，以現時嘅情況嚟睇，我會揀愛情！我唔似係咁浪漫嘅人？大家冇估錯！小弟的確唔係，但係我甘願為愛情犧牲事業，要我做住家男人打理家頭細務完全冇問題，只要老婆肯打工搵錢養家就得喇。美國多倫多大學就進行過一個金錢與性福嘅相關研究。研究人員先搵來335名成年美國男女協助調查，然後再搵到106對瑞士夫婦協助，調查內容就同佢哋嘅性生活頻密程度以及性幸福指數有關，點解咁做呢？調查就顯示，受訪嘅美國男女每年平均收入75,000美元，而佢哋平均每個月做一次愛，其性福指數偏低，反而每年平均收入25,000美元嘅男女，每星期做一次愛，性福指數高好多。而就瑞士夫婦嘅調查亦得到類似嘅結果，調查負責人表示搵錢係重要，但係同伴侶增加上床次數可能更加有效促進夫婦感情以及家庭幸福。
撰文：賢