邊種人最打得？格鬥家相信係其中一種。除非走去學格鬥術，否則平時想見到咁打得嘅佢哋都好難，想遇到好揪得嘅女金剛就更加難。不過喺日本不但可以搵到勁揪得嘅女金剛，仲有機會同佢哋喺床上過招添！
男人就係咁奇怪，如果問佢哋會唔會揀筋肉女金剛做女友，十個有九個會話唔制，但係講到上床曳曳，個個都會話可以一試。日本有風俗店以筋肉風俗孃為賣點，專門炮製身痕嘅玩家。唔好以為呢班筋肉風俗孃只係身形大隻咁簡單，當中唔少係拳擊、空手道、合氣道，甚至係綜合格鬥術高手，部分更係教練級同前格鬥運動員。可以喺邊度搵到呢班女金剛？除咗以格鬥為主題嘅風俗店外，仲可以喺S系風俗店搵到佢哋，適合一班想畀人打到啪啪聲嘅M男去玩，而有咗呢班格鬥經驗十足嘅風俗孃坐鎮，隨時可以打到身痕友飛起，調教值絕對爆錶！
玩家幫襯呢啲風俗店，雖然目的係為咗醫身痕，但都唔想畀風俗孃打到甩肺，梳乎先至係最終目的，所以呢類格鬥主題或S系風俗店專門為想被打一餐嘅玩家提供唔同嘅服務套餐，分別有「格鬥課程」、「M格鬥課程」及「色情格鬥課程」三種。「格鬥課程」嘅玩法好簡單，風俗孃化身成教練，將空手道或格鬥術喺玩家身上一一施展出嚟，而為咗提升調情指數，動作主要集中喺寐技之中。至於「M格鬥課程」，大家唔好以為係同風俗孃對戰，查實係玩家飾演沙包嘅角色，過程中玩家只有被風俗孃招呼，而且唔可以還手，至啱身痕嘅M男。想享受過招樂趣嘅玩家，「色情格鬥課程」就至啱，因為玩家可以同風俗孃對戰，享受互相箝制嘅樂趣。
價錢方面，當然係「色情格鬥課程」收費最貴，事關只有呢個套餐玩家先可以同風俗孃互動。不過大家要留意，以上玩法只係嬉戲性質，千祈唔好打出真火呀！
嫌格鬥系太過有戰鬥力，卻又想試吓對戰筋肉女金剛，仲有一個選擇，佢就係於1979年11月30日出生嘅AV女優三喜本望。擁有強健體魄嘅佢，於2015年5月喺AV企業SOD集團旗下片廠Mr. michiru出道，並以森保沙奈嘅藝名登場，當時佢被打造成運動員嘅身份，皆因佢全身都充滿肌肉感，而事實上佢係一位健身教練。據消息指，三喜本望最近入籍一間位於大阪梅田市嘅「P」字頭風俗店，並以110分鐘46,500日圓（約3,209港元）收費為玩家提供服務，咪以為呢個價錢加埋佢個相頭，生意好極有限，相反係生意相當火旺！
雖然日本風俗界有唔少好打得嘅風俗孃，但數到箇中高手絕對唔可以唔提千羽鬼裸！呢位有「風俗界最強格鬥孃」之稱嘅風俗孃，報稱26歲，擁有38E嘅雙子峰，但身高僅得4呎9吋，不過咪睇佢細細粒，佢係練習格鬥技超過7年嘅格鬥家，好厲害（口架）！據講阿妹讀書時已經係柔道部成員，參加過多場比賽，其後佢學習多種格鬥術，包括拳擊、綜合格鬥技等，具有多場實戰經驗。佢現時於大阪梅田一間「C」字頭嘅愉虐風俗店工作，吸引唔少M男粉絲捧場，佢鍾意將同玩家激鬥嘅照片放上網，成為風俗格鬥系紅人。
除咗有人氣格鬥風俗孃，日本亦有超人氣嘅格鬥主題風俗店，就係位於東京鶯谷嘅「K」字頭出張風俗店，佢厲害之處，在於雲集眾多嘅格鬥高手，分別有拳擊手、現役柔道三段兼有比賽經驗選手、空手道黑帶高手、女子摔跤陪練員等等。講到店內嘅高手兼人氣擂台之王，則要數現年33歲嘅Rouge，擁有37F上圍嘅佢，不但係一位綜合格鬥技運動員，更係奧運會前女子柔道選手嘅陪練員，擅長三角跤、送襟跤、肩車同腕挫十字固等格鬥技。戰鬥力更係爆錶，據稱佢可以背負140公斤重物、掌上壓背重90公斤、雙足撐起300公斤，而握力更達45公斤，男人都未必夠佢鬥！至於想同阿妹格鬥一啲都唔平，120分鐘盛惠35,000日圓（約2,415港元）。
撰文：魂