家陣人人成為低頭族玩手機，不過如果係第一次約會心儀對象，仲希望可以即晚「得米」的話，就咪再玩手機喇！唔玩手機之後，雙手騰空咁就可以用嚟調情，至於點樣調情法，等陣專家會話你知。貪靚嘅男人，除咗注重髮型同衣着之外，亦會着重整理小弟弟嘅毛髮，目的只為討好女伴。
好多朋友都知道小弟我早前識咗個斯文女仔，對佢一見鍾情，出咗幾次街後更加不能自拔。至於點解小弟會對佢心醉神迷呢？除咗因為佢氣質非凡，談吐溫文，更重要嘅係一向鮮有備受尊重嘅小弟，同佢食飯時覺得很受尊重，因為用餐期間佢唔似其他人咁手機不離手！美國婚姻生活資訊網站Match.com早前訪問過5,500名成年男女，以了解佢哋嘅感情生活。調查結果發現，有86%受訪女仔表示，喺約會期間男仔亮着部手機會對佢哋生起壞印象，另外更加有66%受訪男女表示，如果對方不時望手機，就唔會考慮同對方發展一夜情。提到一夜情，有48%受訪男女接受一夜情，只有18%表示反對。所以各位男士幾忙都好，下次約女仔出街千祈唔好掛住玩手機喇！
做人唔好過分自大，自覺胯下好兄弟又大又硬朗，誰知原來女方覺得小妹妹被過分「填充」會大感不適；當然，小弟弟真係太細小亦唔好過分自卑，因為好多調查都發現唔少女性認為刺激陰蒂比抽送更容易達到高潮，所以唔好將房事侷限於活塞運動！至於唔抽送又有咩法子可以令女伴高潮浪接浪呢？情色工具書《Reclaiming Desire:4 Keys to Finding Your Lost Libido》嘅作者Marianne Brandon表示，其實男人雙手可以發揮好多調情同刺激作用，例如試用手指輕輕咁游走於女伴身上各處，畫個圖形又或者寫字，再慢慢將手指游走到乳點或敏感位置。第二招仲簡單，將雙手交到女伴手上，請女伴捉住你雙手放到佢認為最需要受撫摸嘅位置。第三招就係喺抽送嘅時候手多多，一邊抽送一邊用手指撩動女伴敏感之處，因為澳洲早前有調查顯示，有71%受訪女性喺如此雙重刺激嘅情況之下能夠達到高潮。最後一招係同對方錫錫嘅時候，用手輕撫佢塊面，因為咁樣可以營造浪漫感覺，同時令女伴知道你正集中精神同精力同佢交歡，實冧死佢啦！
女為悅己者容天經地義，而注重儀容嘅男士亦愈來愈多，除咗會喺髮型、身材、鬍鬚、衣着等方面入手，唔少人亦同時着重整理小弟弟嘅毛髮！早前日本有項調查結果反映出男士們為咗邊三個原因而動手為小弟弟「理髮」？最多人回應嘅原因係為咗討好女伴，有人認為喺交歡嘅時候都唔想見到女方毛髮濃密而凌亂，所以為小弟弟整理毛髮係希望喺女伴面前有個良好嘅觀感。第二個原因係去浸溫泉或澡堂嘅時候，見到其他麻甩佬毛髮雜亂令人反胃，唔想自己變到好似佢哋咁款，於是悉心整理自己嘅毛髮喇！第三個就係純粹為咗個人喜好而咁做，受訪者當中有人表示鍾意玩水上運動或踩單車，將毛毛修剪一下會比較舒服啲。
撰文：賢