床上招式五花八門，大家估吓邊一個體位令女人最反感？另外，交歡時令小妹妹感到痛楚，會令女伴感到不快，甚至性趣大減，咁有咩原因會令女士們感到疼痛呢？男人幾時都咁興致勃勃，而女人又會喺邊一個時段最有性趣呢？
小弟成日睇AV，除咗為欣賞男女優嘅激戰場面之外，仲會從中偷師，以便日後同伴侶過招時，唔會失禮佳人。而喺芸芸體位之中，大家又鍾意玩邊一招呢？不過話時話，男士們鍾意嘅招式，並唔代表女伴會覺得享受喎！早前英國就有一項調查，搵來1,111名當地成年女性，了解佢哋最討厭玩邊個體位，結果發現係背面騎乘，有多達39%受訪者表示對呢個招式最反感，雖然同騎乘一樣都係由女方發力做主導，但係背住男方進行，會覺得男方偷懶，感覺唔公平。另外，亦有受訪者謂背面騎乘難以刺激陰蒂，欠缺快感，所以唔鍾意玩呢一招。至於，女士們最愛玩咩體位呢？答案就係正常騎乘，原因係呢招可以畀佢哋同男方拖手借力，二來可以將陰蒂貼近男方小腹作摩擦，提升快感，當然由男方伸手去刺激亦得，感覺暢快得多！
正所謂女人心海底針，有時女仔嘅心思真係令男人難以捉摸，其中一個令人諗極都唔明嘅地方，就係女仔認為燭光晚餐加一份小禮物就會覺得浪漫滿瀉，反而對一場溫馨又浪漫嘅床戰感到抗拒。女仔對上床提唔起興趣，原因有好多，男方戰鬥力不足，又唔識得調情可能係主要因素，亦有可能因為女仔對交歡有反感，甚至覺得疼痛！早前《英國婦產科雜誌》發表一份篇研究報告顯示有十分之一女性曾經性交疼痛，性學專家表示有多種原因令女性有如此不快經歷，其中一個因素係從飲食當中攝取得太多草酸鹽，佢會喺身體比較脆弱嘅部位形成草酸鹽結晶，例如喺陰道，從而引致過敏反應及交歡時感到疼痛，含草酸鹽嘅食物包括士多啤梨同菠菜。另一個原因，就係男方抽送得太快同太深入，因為女性嘅小妹妹需要時間「熱身」以助增加陰道分泌，分泌唔夠陰道難以充分濕潤，自然令交歡不快啦！仲有係因為溝通不足，女方明明無性趣，為咗滿足伴侶而勉強行事，心理上就會出現反感，甚至覺得交歡出現疼痛感覺，男方如果知道女伴唔想做，就千祈唔好勉強對方喇。
想成功溝女，繼而作「深入了解」，除咗要靠男士們嘅溝女手腕，當然亦要配合天時、地利同人和。老實講，天時真係好重要，好似喺一啲節日約女仔出街就最好不過，因為喺佳節氣氛底下女仔會比較情緒高漲，繼而放下戒心飲多兩杯。除咗節日之外，原來一日當中亦有一個時段女人特別容易「動情」！早前外國有一項調查訪問咗3,000名美國及英國成年女性，睇吓佢哋喺一日當中邊一個時段最有性趣，結果有78.7%受訪女性表示喺晚飯之後性趣最濃，至於午飯之後則只有8.2%，早餐時段亦唔多，只有32.5%。點解會咁呢？研究負責人話相對於食物同性，女性會先諗起前者，故喺早餐同午飯時段，女性會以食為先，將性方面擺埋一邊；至於食完晚飯之後，喺臨瞓前做一場劇烈運動，既可幫助消化，又可促進睡眠，何樂而不為！
撰文：賢