一個人有自信，外表都零舍吸引迷人，如果想喺床上表現出足夠自信，溝通絕對不可少。除咗溝通之外，床上戰鬥力亦要有番咁上下，性健康專家提供幾個有助增強床上戰鬥力嘅運動畀大家。日本靚女多，早前上演嘅東京改裝車展有大量美女車模登場，睇到麻甩佬流晒口水！
無論係出嚟社會做事，定喺家庭當中，充足同適當嘅溝通都相當重要，咁先可以搞好人際關係嘛！提到人際關係，同伴侶嘅關係一樣要搞好，平時要多溝通，喺床上享受床笫之歡嘅時候亦然，因為識得溝通先可以凸顯男士嘅床上自信！早前英國網站The Daily Star就提出男士如果想凸顯床上自信，需要注意幾點。首先，喺床上要同女伴有傾有講，細心聆聽對方想你點刺激佢，又或者需要改善邊個動作。另外一點就係要多作新嘗試，例如唔好局限自己用死兩三個體位，多體驗新招式，要明白到每個人都有唔同喜惡，呢一招你唔鍾意，唔代表女伴唔受落。第三點係盡量避免熄燈床戰，好多人以為摸黑激戰會更加有神秘感、更加刺激，但係咁做就會令伴侶覺得你對自己嘅身材冇信心，亦令大家喺床戰時冇眼神交流。
機會係留畀有準備嘅人，好多男人夢寐以求同一個又靚又好身材嘅美女翻雲覆雨，之不過平日冇注重健康，又唔鍛煉出好體魄，每日只係坐喺電腦或電視前食花生、飲啤酒，正所謂十年唔耕，九年又唔種，又邊度會有好收成呀！大家今後記住要好好為自己嘅性福着想，努力做運動喇！性健康專家Samantha Evans提供咗幾項運動畀大家，首先每星期步行三次，每次步行一小時。專家話中年男士如果進行足夠步行的話，會令患上不舉嘅風險減低三成咁多。另外，男士亦可以做瑜伽同游水，呢兩種運動可以鍛煉肌肉耐力以及筋骨靈活性，令男士喺床戰時更靈活、更生猛，同時可以促進血液循環，增強勃起硬度。專家亦提議練習提肛運動，每日10至20分鐘，可以有效預防早洩問題以及增強勃起硬度，嘩！快啲練番幾轉先啦喂！
去日本除咗可以盡情吃喝，享受當地嘅美食，仲可以享受埋溫泉，睇清楚，我係話浸嗰種溫泉，而唔係同囡囡床上纏綿嘅「溫存」。另外，日本亦有好多名勝欣賞，唔欣賞靜態景色，亦一樣可以用眼球欣賞美色，因為日本真係靚女多！特別係喺各類動漫、電玩展覽，更加可以見到好多身材婀娜嘅妙齡女郎，喺大家面前嚟個性感Cosplay，睇到人目不睱給。除咗上述嘅一類展覽，每年嘅東京車展亦一樣有大把靚女睇，好似早前喺幕張國際展覽中心上演嘅東京改裝車展咁，一如以往出動大量車模伴隨靚車登場。小弟往年都有留意呢個車展，但係發現今屆演出嘅車模質素相當高，打扮嘅露出度亦大大提高，當中有車模嘅上衣只係得兩條布僅僅遮住乳點，亦有車模真空大露背，條裙仲要係透視裝，令玉臀若隱若現，誘惑度爆晒燈！希望下屆班車模再接再厲，而小弟亦能夠身處現場啦！
撰文：賢